Janmashtami 2021: ఈ కృష్ణాష్టమి చాలా ప్రత్యేకం.. ఎందుకో తెలుసా? కృష్ణాష్టమి పూజ ఎప్పుడు చేయాలో తెలుసుకోండి!

Krishnashtami 2021: ఈరోజు జన్మాష్టమి, అంటే కృష్ణుడి పుట్టినరోజు. ఈ పండుగను దేశవ్యాప్తంగా ఎంతో ఉత్సాహంగా జరుపుకుంటారు. దేవాలయాల నుండి ఇళ్ల వరకు శ్రీకృష్ణుని పుట్టుక ఉత్సవాన్ని నిర్వహించడం కోసం ప్రత్యేక సన్నాహాలు చేస్తారు. దేశంలో జన్మాష్టమిని చాలా ఉత్సాహంగా జరుపుకుంటారు. ఈ సందర్భంగా, శ్రీకృష్ణుని బాల రూపంలో ఇంట్లో పూజిస్తారు. అలాగే, కృష్ణుడి కోసం ఇంట్లో ఉయ్యాలను అందంగా అలంకరించి పూజచేస్తారు. ఈ రోజున, శ్రీకృష్ణుడిని ఉపవాసం ద్వారా పూజిస్తారు. పంచాంగం ప్రకారం, ఈ సంవత్సరం జన్మాష్టమి కొంత ప్రత్యేకమైనది. ఎందుకంటే ఈ సంవత్సరం జన్మాష్టమికి ప్రత్యేక యోగం ఉంది.

జన్మాష్టమి 2021 ఎప్పుడు?

పంచగ ప్రకారం, జన్మాష్టమిని ఆగష్టు 30, 2021 సోమవారం నాడు భాద్రపద మాసంలో కృష్ణ పక్ష ఎనిమిదవ రోజుగా జరుపుకుంటారు.

శ్రీకృష్ణుడు ఎప్పుడు జన్మించాడు?

పురాణాల ప్రకారం, శ్రీకృష్ణుడు ద్వాపర యుగంలో కృష్ణ పక్ష, రోహిణి నక్షత్రం.. బుధవారం భాద్రపద మాసంలో ఎనిమిదవ రోజున జన్మించాడు. శ్రీకృష్ణుడు విష్ణువు యొక్క ఎనిమిదవ అవతారం.

జన్మాష్టమి కృష్ణుడు పుట్టిన అదే యోగంలో ఈ సంవత్సరం..

2021 సంవత్సరంలో, అంటే, ఈ సంవత్సరం ఆగస్టు 30 న, ద్వాపర యుగంలో శ్రీకృష్ణుడు జన్మించిన సమయంలో, యోగం మళ్లీ కలిసి వచ్చింది. పంచాగ ప్రకారం, ఈ సంవత్సరం కూడా, భాద్రపద మాసం ఎనిమిదవ రోజు, శ్రీకృష్ణుడి పుట్టినరోజు, కృష్ణ పక్ష, రోహిణి నక్షత్రం కలిసి వచ్చాయి. అందువలన, ఈ సంవత్సరం జన్మాష్టమి ప్రత్యేకమైనది. జన్మాష్టమి పూజకు ప్రత్యేక ప్రాధాన్యత ఉంది. అన్ని రకాల కోరికలు శ్రీకృష్ణుడిని అభిమానంతో పూజించడం ద్వారా నెరవేరుతాయి. శ్రీకృష్ణుడు 16 కళలకు ప్రభువు అని అంటారు. ఈ రోజున శ్రీకృష్ణుడిని ఉపవాసం చేసి పూజించాలి. ఇది మనస్సులోని అన్ని కోరికలను నెరవేరుస్తుందని నమ్ముతారు.

ఈ కృష్ణాష్టమి పూజ సమయం: ఈరోజు అంటే ఆగస్టు 30 రాత్రి 11.59 నుండి 12.44 వరకు (ఆగస్టు 31, 2021)