చుట్టూ జనాలున్నా ఒంటరితనమే:

వంద మంది తెలిసిన వాళ్లు చుట్టూ ఉన్నా.. మనం ఎవరితో మనసు విప్పి మాట్లాడాలో తెలియని ఒక శూన్య స్థితిని అనుభవిస్తున్నట్లు అవికా ఆవేదన వ్యక్తం చేశారు.

చిన్న వయసు నుంచే నటనపై దృష్టి పెట్టడం వల్ల కెరీర్ రేసులో పరిగెత్తానని, ఇప్పుడు తాను బంధాలకు సిద్ధమైనప్పుడు ఇతరులు వారి స్నేహితుల బృందాలతో బిజీగా ఉన్నారని పేర్కొన్నారు.

తనకు 18 ఏళ్ల వయసున్నప్పుడు, 32 ఏళ్ల నటుడితో ఎఫైర్ ఉందంటూ మీడియాలో వచ్చిన వార్తలు చూసి షాక్ అయ్యానని అవికా చెప్పారు.

ఆ నటుడితో తనకు రహస్యంగా పెళ్లయి, ఒక బిడ్డ కూడా పుట్టిందంటూ కొందరు సృష్టించిన రూమర్స్ చూసి ఆశ్చర్యపోయానని వెల్లడించారు.

ఆ లవ్ స్టోరీని అంత క్రియేటివ్‌గా, ఒక బిడ్డను దాచామనే లెవెల్‌లో రాసినందుకు గాను రూమర్స్ క్రియేట్ చేసిన వారికి వ్యతిరేకంగా వ్యంగ్యంగా హ్యాట్సాఫ్ చెప్పారు.

తన ముఖంపై ప్లాస్టిక్ సర్జరీలు జరిగాయంటూ వస్తున్న వార్తలను అవికా పూర్తిగా ఖండించారు.

అందం కోసం తాను ఎలాంటి సర్జరీలు చేయించుకోలేదని, కేవలం ముఖంపై ఉన్న పింపుల్స్ తొలగించుకోవడానికి చిన్న ట్రీట్‌మెంట్ తీసుకున్నానని స్పష్టం చేశారు.

చిన్నప్పటి నుంచి ప్రేక్షకులు తనను చూస్తున్నారని, వయసు పెరిగే కొద్దీ అమ్మాయిల శరీరంలో వచ్చే మార్పులను చూసి కొందరు సర్జరీలుగా భ్రమపడ్డారని తెలిపారు.

సమంత, రష్మిక మందన్నా, పూజా హెగ్డే వంటి స్టార్స్ తమ ఫిట్‌నెస్‌ను కాపాడుకునే విధానం చూసి ఇన్‌స్పైర్ అయి, తాను కూడా జిమ్‌లో కష్టపడి బరువు తగ్గానని చెప్పారు.

కనీసం హెయిర్ కట్ చేయించుకోవాలన్నా అమ్మ అనుమతి కావాల్సిన తనకు, అంత పెద్ద కాస్మోటిక్ సర్జరీలు చేయించుకునే ధైర్యం ఎక్కడిదని అవికా ప్రశ్నించారు.