భారత టూ-వీలర్ మార్కెట్‌లో స్టైలిష్ లుక్, అదిరిపోయే మైలేజ్ ఇచ్చే 125cc బైకులకు డిమాండ్ విపరీతంగా పెరిగింది. తక్కువ బడ్జెట్‌లో లభించే టాప్-5 బైకుల వివరాలు ఇక్కడ చూద్దాం.
టీవీఎస్ రైడర్ 125
ప్రారంభ ధర రూ. 82,000 కాగా, ఇది 11.38 bhp పవర్‌ను ఉత్పత్తి చేస్తుంది. లీటరుకు 56-60 కిమీ మైలేజ్ ఇస్తుంది. ఎల్ఈడీ లైట్లు, డిజిటల్ కన్సోల్ ఉన్నాయి. టీఎఫ్‌టీ (TFT) డిస్‌ప్లే, ఏబీఎస్ ఉన్న వేరియంట్ ధర రూ. 95,000 నుండి రూ. 97,000 వరకు ఉంది.
హీరో సూపర్ స్ప్లెండర్ ఎక్స్‌టెక్
ప్రారంభ ధర రూ. 82,000 కాగా, ఈ లిస్ట్‌లో బెస్ట్‌గా 65-70 కిమీ మైలేజ్ ఇస్తుంది. దీని 124.7cc ఇంజన్ వైబ్రేషన్స్ లేకుండా సుదీర్ఘ ప్రయాణాలకు సౌకర్యంగా ఉంటుంది. ఇందులో బ్లూటూత్ కనెక్టివిటీ, నావిగేషన్ ఉన్నాయి. డిస్క్ వేరియంట్ ధర రూ. 85,000.
బజాజ్ పల్సర్ 125
ప్రారంభ ధర రూ. 86,000. ఐకానిక్ పల్సర్ స్టైలింగ్, స్పోర్టీ లుక్ దీని సొంతం. 11.8 PS పవర్, క్లాసిక్ ఎల్ఈడీ హెడ్‌లైట్లతో ఇది యువతను బాగా ఆకట్టుకుంటుంది. దీని మైలేజ్ 50-52 కిమీ మాత్రమే. కానీ రీసేల్, విడిభాగాల లభ్యత చాలా ఎక్కువ.
హోండా ఎస్పీ 125
ప్రారంభ ధర రూ. 87,000. నమ్మకమైన బిల్డ్ క్వాలిటీ, ఇంజన్ రిఫైన్‌మెంట్ దీని ప్రత్యేకత. దీని 124cc స్మూత్ ఇంజన్ లీటరుకు 60 నుండి 65 కిమీ వరకు అద్భుతమైన మైలేజ్ ఇస్తుంది. ఫుల్ డిజిటల్ మీటర్, కాంబి బ్రేకింగ్ ఉంది. టాప్ వేరియంట్ ధర రూ. 95,000 వరకు ఉంది.
హీరో ఎక్స్‌ట్రీమ్ 125R
ప్రారంభ ధర రూ. 89,000. ఈ సెగ్మెంట్‌లోనే అత్యంత స్పోర్టీ లుక్ ఉన్న బైక్ ఇదే. అదిరిపోయే లుక్స్‌తో పాటు లీటరుకు 65-66 కిమీ మైలేజ్ ఇవ్వడం దీని పెద్ద ప్లస్ పాయింట్. ఏబీఎస్ (ABS) వేరియంట్ ధర రూ. 1.04 లక్షలుగా ఉంది. సేఫ్టీకి ఇది బెస్ట్ ఛాయిస్.