Constipation : మలబద్ధకాన్ని అస్సలు లైట్ తీసుకోకండి.. దీర్ఘకాలం నిర్లక్ష్యం చేస్తే వచ్చే డేంజర్ ఇదే

మలబద్ధకం అనేది ఒక సాధారణ జీర్ణ సమస్యే అయినప్పటికీ, కొన్ని వారాల పాటు ఇది అలాగే కొనసాగితే మాత్రం శరీర ఆరోగ్యంపై తీవ్ర ప్రతికూల ప్రభావం పడుతుంది.

దీర్ఘకాలిక మలబద్ధకం వల్ల మలవిసర్జన సమయంలో అధికంగా ఒత్తిడి పెట్టాల్సి వస్తుంది. దీనివల్ల రక్తాన్ని తీసుకెళ్లే సిరలు ఉబ్బి పైల్స్ (హెమరాయిడ్స్) వచ్చే ప్రమాదం ఉంది.

గట్టి మలం కారణంగా మలద్వారం వద్ద చర్మం చీలిపోతుంది. దీనినే అనల్ ఫిషర్స్ అంటారు. ఇది విపరీతమైన నొప్పి, మంట, రక్తస్రావానికి దారితీస్తుంది.

సమస్య మరీ తీవ్రమైతే.. నిరంతరం ముక్కడం వల్ల పెద్దపేగు చివరి భాగం (రెక్టమ్) మలద్వారం గుండా బయటకు వచ్చే ప్రమాదం కూడా ఉంటుంది.

నిరంతరం వేధించే మలబద్ధకం వల్ల కడుపు ఉబ్బరం, తీవ్రమైన గ్యాస్, అజీర్ణం, పొట్టలో ఎప్పుడూ ఒక రకమైన అసౌకర్యం ఉండి రోజువారీ జీవితాన్ని ఇబ్బంది పెడుతుంది.

మలబద్ధకంతో పాటు మలంలో రక్తం పడటం, విపరీతమైన కడుపు నొప్పి, వాంతులు, జ్వరం లేదా కారణం లేకుండా బరువు తగ్గిపోతుంటే వెంటనే అలర్ట్ అవ్వాలి.

ఈ సమస్య రాకుండా ఉండాలంటే పండ్లు, కూరగాయలు, ఆకుకూరలు, తృణధాన్యాలు వంటి పీచు పదార్థాలు ఎక్కువగా ఉండే ఆహారాన్ని రోజువారీ డైట్‌లో చేర్చుకోవాలి.

శరీరంలో నీటి శాతం తగ్గితే మలం గట్టిగా మారుతుంది. అందుకే రోజుకు కనీసం 3 నుంచి 4 లీటర్ల నీటిని తప్పనిసరిగా తాగడం అలవాటు చేసుకోవాలి.

రోజంతా ఒకేచోట కూర్చోవడం వల్ల జీర్ణక్రియ మందగిస్తుంది. ప్రతిరోజూ కనీసం 30 నిమిషాల పాటు నడక, యోగా లేదా వ్యాయామం చేయడం వల్ల ప్రేగుల కదలికలు మెరుగవుతాయి.

జంక్ ఫుడ్స్ మానేసి, జీవనశైలిలో మార్పులు చేసుకున్నప్పటికీ మలబద్ధకం తగ్గకపోతే సొంత వైద్యాలు మానేసి వెంటనే మంచి గ్యాస్ట్రోఎంటరాలజిస్ట్‌ను సంప్రదించడం ఉత్తమం.