మోతాదు మించడం:

చపాతీ ఆరోగ్యకరమే అయినప్పటికీ, ఒకేసారి 4 నుంచి 5 చపాతీలు తింటే కేలరీల సంఖ్య పెరిగి బరువు తగ్గడం ఆగిపోతుంది.

ఎక్కువ నూనె, నెయ్యి, క్రీమ్‌లతో చేసిన పనీర్ లేదా బంగాళాదుంప కూరలతో తింటే చపాతీ వల్ల వచ్చే ప్రయోజనం శూన్యమవుతుంది.

చపాతీతో పాటు తగినంత పప్పు, గుడ్లు, లేదా పెరుగు వంటి ప్రోటీన్ తీసుకోకపోతే త్వరగా ఆకలి వేసి మళ్లీ ఎక్కువగా తింటారు.

మైదా కలిపిన పిండితో కాకుండా మల్టీగ్రెయిన్ లేదా తవుడు ఉన్న గోధుమ పిండితో చేసిన చపాతీలు తింటేనే జీర్ణక్రియ బాగుంటుంది.

కేవలం చపాతీలు తింటే సరిపోదు.. రోజువారీ నడక లేదా వ్యాయామం లేకపోతే శరీరంలో కేలరీలు కరగవు.

రాత్రి పడుకునే ముందే చపాతీలు తినడం వల్ల జీర్ణక్రియ మందగించి, శరీరంలో కొవ్వు పేరుకుపోతుంది.

బాడీ హైడ్రేటెడ్‌గా లేకపోతే మెటబాలిజం మందగించి బరువు తగ్గే ప్రక్రియ నెమ్మదిస్తుంది.

రోజుకు 7-8 గంటల నిద్ర లేకపోతే ఆకలిని పెంచే హార్మోన్లు విడుదలవుతాయి, దీనివల్ల బరువు తగ్గడం కష్టమవుతుంది.

ఒత్తిడి వల్ల శరీరంలో కోర్టిసోల్ హార్మోన్ పెరిగి పొత్తికడుపు చుట్టూ కొవ్వు పెరగడానికి కారణమవుతుంది.

ప్లేట్‌లో చపాతీ కంటే ఆకుకూరలు, కూరగాయలు, సలాడ్ పరిమాణం ఎక్కువగా ఉండేలా చూసుకోవాలి.