జెమినీలో మెమరీ సమ్మరీ

గూగుల్ తన ఏఐ అసిస్టెంట్ జెమినీ కోసం 'మెమరీ సమ్మరీ' అనే కొత్త ఫీచర్‌ను అందుబాటులోకి తెస్తోంది.

గత సంభాషణల నుంచి జెమినీ సేవ్ చేసుకున్న వివరాలన్నీ ఇకపై ఒకే విండోలో కనిపిస్తాయి. చాట్‌లను వెనక్కి వెతకాల్సిన పనిలేదు.

జెమినీ గుర్తుపెట్టుకున్న సమాచారం వ్యక్తిగత చరిత్ర, ప్రదేశం, స్నేహితులు, పని, ఆసక్తులు, ఇష్టాలు లాంటి కేటగిరీల్లో కనిపిస్తుంది.

గుర్తుపెట్టుకున్న వివరాల్లో కొన్నింటిని మార్చవచ్చు. జెమినీ గుర్తుంచుకోవడం మీకు ఇష్టంలేని సమాచారాన్ని డిలీట్ చేయవచ్చు.

మెమరీలో జరిగిన మార్పుల హిస్టరీ కూడా యాప్‌లో ఉంటుంది. ఏ సమాచారం చేరింది, దేన్ని ఎడిట్ చేశారో కాలక్రమేణా చూడవచ్చు.

జెమినీ యాప్ లేదా gemini.google.com ఓపెన్ చేసి, సెట్టింగ్స్‌లోకి వెళ్లి 'పర్సనల్ ఇంటెలిజెన్స్' ఎంచుకోవాలి.

పర్సనల్ ఇంటెలిజెన్స్‌లో 'మెమరీ సమ్మరీ' ఓపెన్ చేస్తే సేవ్ చేసిన వివరాలు కనిపిస్తాయి. అక్కడే అవసరమైన ఎంట్రీలను ఎడిట్ లేదా డిలీట్ చేయవచ్చు.

ఈ ఫీచర్ ప్రస్తుతం అమెరికాలో యాక్టివ్ గూగుల్ ఏఐ ప్లాన్ ఉన్నవారికి, ఇంగ్లీష్ భాషలో, మొబైల్ యాప్, వెబ్‌లో అందుబాటులో ఉంది.

ఉచిత ఖాతాతో కూడా ఈ ఫీచర్‌ను యాక్సెస్ చేయగలిగినట్లు Gadgets360 పేర్కొంది. దీంతో ఇది దశలవారీగా అందరికీ రావచ్చని తెలుస్తోంది.

యూజర్‌కు 18 ఏళ్లు నిండి, వ్యక్తిగత గూగుల్ ఖాతాతో సైన్ఇన్ అయి ఉండాలి. ఖాతా సెట్టింగ్స్‌లో యాక్టివిటీ, మెమరీ ఆన్‌లో ఉంచాలి.