తెలుగు బుల్లితెర సీరియల్స్‌కు ప్రేక్షకులు ఇస్తున్న ఆదరణ రోజురోజుకూ పెరుగుతుండగా, అందులో నటీనటుల సహజ నటన ప్రేక్షకులను కట్టిపడేస్తోంది.

నేడు సీరియల్ నటీనటులకు కూడా సినిమాల హీరోహీరోయిన్ల మాదిరిగానే ప్రత్యేకమైన ఫ్యాన్ ఫాలోయింగ్ ఏర్పడుతోంది.

స్టార్ మాలో ప్రసారమవుతున్న ‘గుండెనిండా గుడిగంటలు’ సీరియల్‌లో ‘మీనా’ పాత్రలో నటిస్తూ అమూల్య తెలుగు ప్రేక్షకులకు అత్యంత చేరువయ్యారు.

ఈ సీరియల్‌లో కుటుంబ విలువలకు పెద్దపీట వేసే అమాయకమైన అమ్మాయిగా కనిపించి, తన సహజ నటనతో అందరినీ ఆకట్టుకుంటున్నారు.

ముఖ్యంగా ఎమోషనల్ ,భావోద్వేగ సన్నివేశాల్లో అమూల్య ప్రదర్శించే అభినయానికి ప్రేక్షకుల నుంచి అద్భుతమైన స్పందన వస్తోంది.

తెలుగులోకి రాకముందే ఆమె కన్నడ టెలివిజన్ రంగంలో ‘శ్రీగౌరీ’ వంటి ప్రముఖ సీరియల్స్‌తో మంచి పేరు సంపాదించుకున్నారు.

కేవలం సీరియల్స్ మాత్రమే కాకుండా, కన్నడ ‘బిగ్ బాస్’ రియాలిటీ షోలో పాల్గొని మరింత పాపులారిటీని సొంతం చేసుకున్నారు.

తెరపై ఎప్పుడూ చీరకట్టులో సంప్రదాయబద్ధంగా కనిపించే అమూల్య.. సోషల్ మీడియాలో మాత్రం మోడ్రన్, స్టైలిష్ అవుట్‌ఫిట్స్‌తో అదరగొడుతున్నారు.

ఇన్‌స్టాగ్రామ్‌లో ఇప్పటికే 5 లక్షలకు పైగా ఫాలోవర్లను కలిగి ఉంటూ, సోషల్ మీడియాలోనూ తన గ్లామరస్ ఫొటోలతో ట్రెండింగ్‌లో నిలుస్తున్నారు.