కార్డ్‌లో ఉండే ప్రాథమిక సమాచారం:

ఏటీఎం లేదా డెబిట్ కార్డ్ పైన మీ పేరు, 16 అంకెల కార్డ్ నంబర్, ఎక్స్‌పైరీ డేట్, సివివి నంబర్ వంటి వివరాలు స్పష్టంగా కనిపిస్తాయి.

కార్డ్ పైన ఉండే సమాచారంతో పాటు, దాని వెనుక ఉండే నల్లటి మ్యాగ్నెటిక్ స్ట్రిప్ లేదా ముందు ఉండే ఇఎంవి చిప్‌లో బ్యాంక్ కోడ్స్, సెక్యూరిటీ వివరాలు సేవ్ అయి ఉంటాయి.

చాలామంది అనుకున్నట్లుగా కార్డ్‌లో మీ ఖాతా బ్యాలెన్స్ లేదా పూర్తి బ్యాంక్ స్టేట్‌మెంట్ వివరాలు ఏవీ సేవ్ కావు.

పాత ఏటీఎం కార్డుల వెనుక ఉండే నల్లటి పట్టీలో మ్యాగ్నెటిక్ రూపంలో డేటాను రికార్డ్ చేసేవారు. స్వైప్ చేసినప్పుడు మెషిన్ ఈ డేటాను స్కాన్ చేస్తుంది.

నేటి ఆధునిక కార్డులలో ఉండే చిన్న బంగారు రంగు చిప్ ఒక చిన్న కంప్యూటర్‌లా పనిచేస్తుంది. ఇది అత్యంత సురక్షితమైనది.

ఈఎమ్‌వి చిప్ కార్డ్ ద్వారా ప్రతి లావాదేవీ జరిగినప్పుడల్లా ఒక కొత్త, సురక్షితమైన సెక్యూరిటీ కోడ్‌ను క్రియేట్ చేస్తుంది.

మీరు ఎటిఎమ్‌లో కార్డ్ ఇన్సర్ట్ చేయగానే మెషిన్ ముందుగా చిప్‌ను స్కాన్ చేసి, ఆ డేటాను వెంటనే మీ బ్యాంక్ సర్వర్‌కు పంపుతుంది.

బ్యాంక్ సర్వర్ సదరు కార్డ్ వ్యాలిడిటీని, అది యాక్టివ్‌గా ఉందో లేదో సరిచూసి, ఆపై పిన్ నమోదు చేయమని సూచిస్తుంది.

మీరు ఎంటర్ చేసిన 4 అంకెల పిన్ సంఖ్య ఎన్‌క్రిప్ట్ (కోడ్ భాషలోకి) అయి బ్యాంక్ సర్వర్‌కు వెళ్తుంది. సర్వర్ రికార్డ్‌తో మ్యాచ్ అయితేనే ప్రాసెస్ ముందడుగు వేస్తుంది.

ఎన్‌క్రిప్షన్, ఇఎంవి చిప్, పిన్ వెరిఫికేషన్, రియల్-టైమ్ సర్వర్ కనెక్టివిటీల వల్ల కార్డ్ క్లోనింగ్ మరియు ఆన్‌లైన్ మోసాల ప్రమాదం చాలా వరకు తగ్గుతుంది.