పోషకాల గని:

కీర దోసకాయలో విటమిన్ B, C, K లతో పాటు మెగ్నీషియం, జింక్, ఫాస్ఫరస్, పొటాషియం, ఐరన్ వంటి పోషకాలు పుష్కలంగా ఉంటాయి.

ఇందులో నీటి శాతం ఎక్కువగా ఉండటం వల్ల వేసవిలో శరీరానికి తగినంత తేమను అందించి హైడ్రేటెడ్‌గా ఉంచుతుంది.

కీరా క్రమం తప్పకుండా తీసుకోవడం వల్ల కిడ్నీల్లో రాళ్లు కరిగిపోవడానికి, మూత్ర సంబంధిత సమస్యలు తగ్గడానికి సహాయపడుతుంది.

ఊబకాయంతో బాధపడేవారికి ఇది మంచి ఆహారం. ఇది శరీరంలో వేడిని తగ్గించడమే కాకుండా బరువును నియంత్రణలో ఉంచుతుంది.

రక్తంలో చక్కెర నిల్వలను తగ్గించి, డయాబెటిస్‌ను అదుపులో ఉంచడానికి కీర దోసకాయ ఎంతో మేలు చేస్తుంది.

శరీర అవసరాలను బట్టి రోజుకు 2 నుంచి 3 కీర దోసకాయలు తినడం ఉత్తమమని నిపుణులు సూచిస్తున్నారు.

ఉదయం పూట ఖాళీ కడుపుతో కీరా తినడం ఆరోగ్యానికి చాలా మంచిది.

రాత్రి పడుకునే ముందు కీరా తినకూడదు. ఇది జీర్ణక్రియను నెమ్మదింపజేసి నిద్రకు ఆటంకం కలిగిస్తుంది.

కీరాలో ఉండే కుకుర్బిటాసిన్ వల్ల కొంతమందికి గ్యాస్, అజీర్తి, తేన్పులు వచ్చే అవకాశం ఉంది.

అతిగా తింటే ఎలక్ట్రోలైటిక్ బ్యాలెన్స్‌ దెబ్బతినడమే కాకుండా, సైనస్ సమస్యలు ఉన్నవారికి లేదా అలర్జీ ఉన్నవారికి చర్మ సంబంధిత ఇబ్బందులు కలగవచ్చు.