కడగకుండానే నిల్వ చేయాలి:

మార్కెట్ నుంచి తేగానే పచ్చిమిర్చిని నీటితో కడగకూడదు. తేమ ఉంటే అవి త్వరగా పాడవుతాయి. వాడేటప్పుడు మాత్రమే కడగాలి.

కాడలను వెంటనే తొలగించాలి: మిరపకాయల కాడలు తేమను త్వరగా పీల్చుకుంటాయి. నిల్వ చేసే ముందు కాడలను జాగ్రత్తగా తెంపి వేరు చేయాలి.

పాడైన మిర్చీలను ఏరివేయాలి: కాడలు తీసే సమయంలోనే మెత్తబడినవి, నల్లబడినవి లేదా పాడైన మిరపకాయలను వేరు చేయాలి. లేదంటే ఇవి మిగతా వాటిని కూడా పాడుచేస్తాయి.

పూర్తిగా ఆరబెట్టాలి (తడి లేకుండా): పచ్చిమిర్చిపై కాస్త కూడా తడి ఉండకూడదు. అవసరమైతే ఒక పొడి గుడ్డతో తడి లేకుండా తుడుచుకోవాలి.

టిష్యూ పేపర్ మ్యాజిక్: పొడిగా ఉన్న టిష్యూ పేపర్ లేదా కిచెన్ టవల్‌లో మిరపకాయలను చుట్టాలి. ఇది అదనపు తేమను పీల్చుకోవడానికి సహాయపడుతుంది.

ఎయిర్ టైట్ కంటైనర్ వాడకం: టిష్యూలో చుట్టిన మిరపకాయలను గాలి చొరబడని డబ్బా లేదా జిప్ లాక్ కవర్‌లో పెట్టాలి.

వెంటిలేషన్ బాక్సులు మరింత మేలు: పూర్తిగా మూసివేసిన కవర్ల కంటే చిన్న రంధ్రాలు ఉండే నిల్వ డబ్బాలు తేమ పేరుకుపోకుండా కాపాడతాయి.

వెజిటబుల్ డ్రాయర్‌లో నిల్వ: కంటైనర్‌ను ఫ్రిజ్‌లోని వెజిటబుల్ డ్రాయర్ బాక్స్‌లో ఉంచడం వల్ల సరైన ఉష్ణోగ్రత అందుతుంది.

తేమ ఎక్కువైతే టిష్యూ మార్చండి: కొన్నిరోజుల తర్వాత డబ్బాలో తేమ చేరి టిష్యూ తడిగా మారితే, వెంటనే పాత టిష్యూ తీసేసి కొత్త పొడి టిష్యూ పేపర్‌ను మార్చాలి.

3 వారాల దాకా తాజాదనంతో పొదుపు: ఈ సింపుల్ ట్రిక్స్ పాటిస్తే పచ్చిమిర్చి 2 నుంచి 3 వారాల పాటు పాడవకుండా ఉంటాయి. ఫలితంగా ఆహారం వృథా కాకుండా, డబ్బు ఆదా అవుతుంది!