జీఎస్‌బీ సేవా మండల్ మహాగణపతి – ముంబై

ముంబైలోని కింగ్స్‌ సర్కిల్‌లో కొలువయ్యే GSB సేవా మండల్ మహాగణపతి దేశంలో అత్యంత విలువైన పబ్లిక్‌ గణపతుల్లో ఒకటిగా ప్రసిద్ధి చెందింది. 2026 ఉత్సవాల కోసం ఈ గణపతికి ఏకంగా రూ. 703.27 కోట్ల బీమా కవరేజీ ఉండటం ప్రత్యేక ఆకర్షణ. విగ్రహానికి 66 కిలోలకు పైగా బంగారు ఆభరణాలు, 335 కిలోల వెండి, విలువైన రత్నాలతో అలంకరణ చేస్తారు.

సూరత్‌కు చెందిన వ్యాపారవేత్త రాజేష్‌ భాయ్‌ పాండవ్‌ వద్ద ఉన్న ఈ గణపతి విగ్రహం పరిమాణంలో చిన్నదే. కానీ విలువలో మాత్రం భారీది. కేవలం 2.44 సెంటీమీటర్ల ఈ విగ్రహాన్ని ఒకే ఒక్క కట్‌ చేయని వజ్రంతో రూపొందించినట్లు చెబుతున్నారు. దీని విలువ రూ. 500 కోట్లకు పైగా ఉంటుందని సమాచారం.

తెలంగాణ రాజధాని హైదరాబాద్‌లోని ఖైరతాబాద్‌ గణపతికి దేశవ్యాప్తంగా ప్రత్యేక గుర్తింపు ఉంది. భారీ ఆకారంతో పాటు ప్రతి ఏడాది ప్రత్యేక థీమ్‌, నిర్మాణంతో భక్తులను ఆకట్టుకుంటుంది. గత ఉత్సవాల్లో విగ్రహం, మండప నిర్మాణానికి అవసరమైన ఉక్కు, ప్రత్యేక మట్టి తదితర సామగ్రి కోసం ఖర్చు కోటి వరకు ఖర్చు చేస్తారు.

పుణేలోని దగ్దూశేఠ్ హల్వాయ్ గణపతి పేరు వినగానే భారీ భక్తజనం, అద్భుతమైన అలంకరణలు గుర్తుకొస్తాయి. బంగారు ఆభరణాలతో అలంకరించే ఈ గణపతిని దర్శించేందుకు దేశం నలుమూలల నుంచి భక్తులు వస్తుంటారు. ఉత్సవాల నిర్వహణ కూడా భారీ స్థాయిలో జరుగుతుంది.

ముంబైలోని సిద్ధివినాయక ఆలయంలోని ప్రధాన గణపతి విగ్రహం శాశ్వతంగా ఆలయ ప్రాంగణంలో కొలువై ఉంటుంది. బంగారు పూత, ప్రత్యేక అలంకరణలతో ఈ విగ్రహం భక్తులను ఆకట్టుకుంటుంది. ఆలయానికి సంబంధించిన ఆస్తుల విలువ కూడా భారీ స్థాయిలో ఉంది.

ముంబై గణేశ్‌ ఉత్సవాలకు ప్రతీకగా నిలిచే లాల్‌బాగ్చా రాజాను భక్తులు ‘నవసాచా రాజా’గా పిలుస్తారు. ప్రతి ఏడాది లక్షలాది మంది భక్తులు దర్శించుకునే ఈ గణపతి మండపానికి విరాళాల రూపంలో బంగారం, వెండి, నగదు భారీగా సమకూరుతాయి. భద్రత, దర్శన ఏర్పాట్లు, మండప నిర్వహణ వంటి అంశాలన్నీ భారీ స్థాయిలో ఉండటంతో దేశంలో అత్యంత వైభవంగా జరిగే గణపతి ఉత్సవాల్లో ఇది కూడా ఒకటిగా నిలుస్తుంది.