అడవి పుట్టగొడుగులకు దూరంగా ఉండండి:

వర్షాలకు పొలాలు, అడవుల్లో సహజంగా మొలిచే అడవి పుట్టగొడుగులలో చాలా వరకు విషపూరితమైనవి ఉంటాయి. వీటిని అస్సలు తినవద్దు.

ప్యాక్ చేసినవే ఎంచుకోండి: గుర్తింపు పొందిన సూపర్ మార్కెట్లలో ప్యాక్ చేసిన బటన్ మష్రూమ్స్ లేదా ఆయిస్టర్ మష్రూమ్స్ మాత్రమే కొనుగోలు చేయడం సురక్షితం.

ఉప్పు, పసుపు నీటితో శుభ్రం చేయండి: వండే ముందు గోరువెచ్చని నీటిలో కొద్దిగా ఉప్పు, పసుపు వేసి 5-10 నిమిషాలు నానబెట్టి, ఆ తర్వాత శుభ్రంగా కడగాలి.

తడి, జిగట ఉన్నవి కొనవద్దు: పుట్టగొడుగులపై నల్లటి మచ్చలు ఉన్నా, జిగటగా అనిపించినా లేదా దుర్వాసన వస్తున్నా అవి పాడైపోయాయని గుర్తించి పక్కన పెట్టేయండి.

బాగా ఉడికించి మాత్రమే తినాలి: వర్షాకాలంలో పచ్చి పుట్టగొడుగులను సలాడ్లలో తినడం లేదా సగం ఉడికించినవి తినడం వల్ల జీర్ణ సమస్యలు వస్తాయి. కాబట్టి ఎక్కువ వేడి మీద బాగా ఉడికించాలి.

ప్లాస్టిక్ కవర్లు వాడకండి: కొనుగోలు చేసిన పుట్టగొడుగులను ప్లాస్టిక్ కవర్లలో ఉంచితే త్వరగా బూజు పడతాయి. వీటిని పేపర్ బ్యాగ్‌లలో ఉంచి ఫ్రిజ్‌లో భద్రపరచాలి.

1-2 రోజుల్లోనే వాడేయండి: వర్షాకాలంలో తేమ ఎక్కువ ఉండటం వల్ల పుట్టగొడుగులు త్వరగా పాడవుతాయి. కొన్న 1 లేదా 2 రోజుల్లోనే వండుకోవడం శ్రేయస్కరం.

బాక్టీరియా ముప్పును నివారించండి: శుభ్రం చేయకుండా నేరుగా వండటం వల్ల వాటిపై ఉండే సూక్ష్మజీవులు, క్రిములు కడుపులోకి వెళ్లి ఫుడ్ పాయిజనింగ్‌కు దారితీస్తాయి.

కాలేయంపై ప్రభావం: విషపూరిత పుట్టగొడుగులను తింటే కాలేయం దెబ్బతినే ప్రమాదం ఉందన వైద్య నిపుణులు హెచ్చరిస్తున్నారు.

అత్యవసర సంప్రదింపులు: పొరపాటున అడవి పుట్టగొడుగులు తిని వాంతులు, కడుపునొప్పి లేదా వికారంగా అనిపిస్తే ఆలస్యం చేయకుండా వెంటనే వైద్యుడిని సంప్రదించాలి.