యూకేలో జననం - మోడలింగ్ ఎంట్రీ:

నికీషా పటేల్ 1990లో యూకేలో సెటిలైన ఒక గుజరాతీ కుటుంబంలో జన్మించింది. టీనేజ్‌లోనే మోడలింగ్‌లోకి ఎంట్రీ ఇచ్చి మిస్ ఇండియా యూకే విజేతగా నిలిచింది.

చిన్నప్పటి నుంచే యాక్టింగ్, గ్లామర్ ఫీల్డ్‌పై ఆసక్తి ఉండటంతో కేవలం 15 ఏళ్ల వయసులోనే బీబీసీకి చెందిన పలు షోలలో పాల్గొని గుర్తింపు తెచ్చుకుంది.

బాలీవుడ్‌లో ఓ సినిమా ఆగిపోయిన తర్వాత, టాలీవుడ్ డైరెక్టర్ ఎస్.జె.సూర్య దర్శకత్వంలో పవన్ కల్యాణ్ సరసన కొమరం పులి(2010) సినిమాలో హీరోయిన్‌గా మెగా ఛాన్స్ దక్కించుకుంది.

భారీ అంచనాల మధ్య విడుదలైన కొమరం పులి సినిమా కమర్షియల్ గా పెద్ద డిజాస్టర్ అయింది. దీంతో నికీషా ఆశలన్నీ అడియాశలయ్యాయి. అయితే ఏఆర్ రెహమాన్ అందించిన మ్యూజిక్, సాంగ్స్ మాత్రం సూపర్ హిట్ అయ్యాయి.

తొలి సినిమా ఫ్లాప్ అయినప్పటికీ, కొమరం పులిలో పోలీస్ ఆఫీసర్ పవన్ పక్కన తన అందం, యాక్టింగ్, గ్లామర్ లుక్స్‌తో తెలుగు ప్రేక్షకులను నికీషా బాగానే మెప్పించింది.

ఆ తర్వాత తెలుగులో ఓం 3డి, అరకు రోడ్డులో, గుంటూరోడు, గుంటూరు టాకీస్ 2.0 వంటి సినిమాల్లో నటించింది. తమిళ, కన్నడ భాషల్లో ప్రయత్నించినా ఏవీ వర్కవుట్ కాకపోవడంతో 2019 తర్వాత యాక్టింగ్‌కు పూర్తిగా దూరమైంది.

సినిమా అవకాశాలు రాకపోవడంతో టాలీవుడ్‌కు గుడ్ బై చెప్పేసి లండన్ వెళ్ళిపోయింది. ప్రస్తుతం 34 ఏళ్ల నికీషా పటేల్ తన ఫ్యామిలీతో కలిసి యూకేలోనే నివసిస్తోంది.

సినిమాలకు దూరమైనప్పటికీ సోషల్ మీడియాలో మాత్రం చాలా యాక్టివ్‌గా ఉంటుంది. అప్పుడప్పుడు తన హాట్ అండ్ గ్లామరస్ ఫోటోలను షేర్ చేస్తూ నెటిజన్లను, అభిమానులను అలరిస్తూనే ఉంది.

ఇండస్ట్రీలో పెళ్లిళ్ల సీజన్ నడుస్తున్న వేళ నికీషా కూడా త్వరలో పెళ్లి పీటలెక్కబోతోంది. బ్రిటన్‌లో ఉండే తన మనసుకు నచ్చిన వాడిని త్వరలోనే వివాహం చేసుకోబోతున్నట్లు ట్విట్టర్ వేదికగా వెల్లడించింది.

ట్విట్టర్ చాట్‌లో టాలీవుడ్ హీరోల గురించి మాట్లాడుతూ.. మహేష్ బాబు ఫెయిర్ అండ్ లవ్లీ అని, ప్రభాస్ మంచి ఫ్రెండ్ అని చెప్పింది. అయితే చిరంజీవి గురించి అడిగితే.. ఇండస్ట్రీలో చాలామంది మెగాస్టార్లు ఉన్నారు, ఏ మెగాస్టార్? అని రివర్స్ కౌంటర్ వేయడంతో మెగా ఫ్యాన్స్ ఆమెపై తీవ్రంగా మండిపడ్డారు.