లాంచ్ తేదీ ఖరారు :

గతేడాది వచ్చిన ఏస్ 6 సిరీస్‌కు కొనసాగింపుగా రానున్న వన్ ప్లస్ ఏస్ 7 సిరీస్ అక్టోబర్ 29న చైనాలో అధికారికంగా లాంచ్ కానుంది.

ఈ లైనప్‌లోని ఫ్లాగ్‌షిప్ మోడల్ 'వన్ ప్లస్ ఏస్ 7 ప్రో' స్నాప్‌డ్రాగన్ 8 ఎలైట్ జెన్ 5 (Snapdragon 8 Elite Gen 5) ప్రాసెసర్‌తో రానుంది.

హెవీ గేమింగ్ , ప్రాసెసింగ్ సమయాల్లో అత్యుత్తమ పనితీరు అందించడానికి కంపెనీ తన సొంత “విండ్ చేజర్ గేమ్ కెర్నల్” ను చిప్‌సెట్ నిర్మాణంలో పొందుపరిచింది.

హెవీ మల్టీ టాస్కింగ్ సమయాల్లో ఫోన్ వేడెక్కకుండా ఉంచేందుకు డ్యూయల్-ఎయిర్‌ఫ్లో ఛానల్ డిజైన్‌తో కూడిన అధునాతన కూలింగ్ వ్యవస్థను అందించారు.

డెస్క్‌టాప్ పీసీ గ్రాఫిక్స్ కార్డుల ఆధారంగా రూపొందించిన ప్రత్యేక టవర్ ఫిన్ హీట్ సింక్ వేడిని వేగంగా బయటకు పంపుతుంది. నిరంతరం ఉష్ణోగ్రతను పర్యవేక్షించేందుకు థర్మల్ సెన్సార్లు కూడా ఉన్నాయి.

వన్ ప్లస్ ఏస్ 7 'రేడియంట్ వైట్' రంగులో, ఏస్ 7 ప్రో 'మిడ్‌నైట్ బ్లాక్' రంగులో ప్రీమియం లుక్‌తో రానున్నాయి.

వేలిముద్రలు, గీతలు పడకుండా ఉండేందుకు ఫోన్ వెనుక భాగాన్ని ఫైబర్‌గ్లాస్ మ్యాట్ ఫినిషింగ్ , ఫ్లాట్ మెటల్ ఫ్రేమ్‌తో రూపొందించారు.

వెనుక కెమెరా అమరిక కోసం మెటల్ క్యూబ్ రూపంలో "స్టార్మ్ ఐలాండ్" డిజైన్‌ను ఇచ్చారు. కెమెరా మాడ్యూల్‌లోనే ఓవల్ ఆకారపు ఎయిర్ ఇన్‌టేక్ , కూలింగ్ ఫ్యాన్‌ను అమర్చారు.

ప్రధాన కెమెరా కింద ప్రత్యేకంగా అమర్చిన ఈ లైటింగ్ గేమింగ్ సమయాల్లో , నోటిఫికేషన్లు వచ్చినప్పుడు డిఫరెంట్ లైటింగ్ ఎఫెక్ట్స్‌తో కొత్త అనుభూతిని ఇస్తుంది.

ముందు భాగంలో అత్యంత సన్నని అంచులు కలిగిన సమతుల్య ఫ్లాట్ డిస్‌ప్లేను అందించారు. సెల్ఫీ కెమెరా కోసం చిన్న పంచ్-హోల్ కటౌట్ ఇవ్వడంతో వ్యూయింగ్ ఏరియా పెరిగింది.