సహజ సిద్ధమైన పోషకాలు:

ప్రకృతిసిద్ధంగా లభించే ఎర్ర బియ్యంలో శరీరానికి అవసరమైన ఫైబర్ (పీచు పదార్థం), యాంటీఆక్సిడెంట్లు పుష్కలంగా ఉంటాయి.

రెడ్ రైస్ తీసుకోవడం వల్ల రక్తంలో గ్లూకోజ్ స్థాయిలు సడన్‌గా పెరగకుండా అదుపులో ఉంటాయి.

ఈ బియ్యంలో ఉండే ప్రత్యేక పోషకాలు రక్తనాళాల్లో పేరుకుపోయిన చెడు కొవ్వును కరిగించడంలో సహాయపడతాయి.

అధిక బరువు సమస్యతో బాధపడేవారు రెడ్ రైస్ తింటే సులభంగా బరువు తగ్గే అవకాశం ఉంటుంది.

దీనిలోని పీచు పదార్థం వల్ల కొద్దిగా తిన్నా కడుపు నిండినట్లు అనిపిస్తుంది. తరచూ ఆకలి వేయకుండా చేస్తుంది.

శరీరానికి కావాల్సిన శక్తిని అందిస్తూ, నీరసం రాకుండా రోజంతా ఉత్సాహంగా ఉంచుతుంది.

ఒక కప్పు ఎర్ర అన్నం తింటే 216 కెలోరీల శక్తి లభించడమే కాకుండా ఇమ్యూనిటీ పవర్ కూడా పెరుగుతుంది.

వైట్ రైస్ మానెయ్యాలి అనుకునేవారు, కొర్రలు-అరికెలకు ప్రత్యామ్నాయంగా రెడ్ రైస్ సులభంగా డైట్‌లో చేర్చుకోవచ్చు.

ఒక కప్పు ఎర్ర బియ్యానికి నాలుగు కప్పుల నీళ్లు పోసి, 2 నుంచి 3 గంటలు నానబెట్టి సన్నని సెగపై ఉడికించాలి.

మార్కెట్లో కిలో రూ.120 వరకు లభించే ఈ ఎర్ర బియ్యం ఆరోగ్యానికి ఎంతో మేలు చేస్తుంది.