బిర్యానీ ఆకుల మ్యాజిక్:

బిర్యానీ ఆకులకు ఉండే ఘాటైన సువాసన పురుగులకు అస్సలు పడదు. బియ్యం డబ్బాలో అక్కడక్కడా కొన్ని బిర్యానీ ఆకులను వేస్తే పురుగులు పారబోతాయి.

పూర్వ కాలం నుంచి ధాన్యాలు పాడవకుండా ఉండటానికి వేపాకులను వాడేవారు. బాగా ఎండిన వేపాకులను నేరుగా బియ్యం డబ్బాలో వేసి ఉంచితే పురుగులు చేరవు.

లవంగాలలో ఉండే యాంటీ బ్యాక్టీరియల్ గుణాలు, వాటి ఘాటైన వాసన పురుగులను నివారించడంలో, కొత్తగా పురుగులు రాకుండా చేయడంలో అద్భుతంగా పనిచేస్తాయి.

పొట్టు తీయని కొన్ని వెల్లుల్లి రెబ్బలను బియ్యం డబ్బాలో వేసి ఉంచడం వల్ల, ఆ వెల్లుల్లి ఘాటుకు పురుగులు డబ్బా దరిచేరడానికి కూడా భయపడతాయి.

బియ్యం నిల్వ చేసేటప్పుడే కొద్దిగా పసుపు పొడిని బియ్యానికి పట్టించి నిల్వ చేయవచ్చు. పసుపులో ఉండే క్రిమినాశక గుణాలు పురుగులను దరిచేరనివ్వవు.

పసుపుతో పాటు కొద్దిగా కల్లు ఉప్పును కూడా బియ్యంలో కలిపి ఉంచడం వల్ల తేమ చేరకుండా ఉంటుంది. పురుగులు పట్టకుండా బియ్యం సురక్షితంగా ఉంటాయి.

బియ్యాన్ని ఎల్లప్పుడూ గాలి చొరబడని గట్టి డబ్బాలలో మాత్రమే నిల్వ ఉంచుకోవాలి. దీనివల్ల వాతావరణంలోని తేమ బియ్యానికి తగలకుండా ఉంటుంది.

బియ్యం డబ్బాను ఎల్లప్పుడూ తేమ లేని, పొడి ప్రదేశాలలో మాత్రమే ఉంచాలి. తడి చేతులు లేదా తడి గరిటెలను బియ్యం డబ్బాలో అస్సలు పెట్టకూడదు.

మార్కెట్లో దొరికే రసాయన మాత్రలను బియ్యంలో వేయడం వల్ల అవి బియ్యంలో కలిసిపోయి ఆరోగ్యానికి తీవ్ర హాని కలిగించే ప్రమాదం ఉంది.

బియ్యంలో వేసిన వెల్లుల్లి రెబ్బలు లేదా వేపాకులు పూర్తిగా ఎండిపోయినప్పుడు.. వాటి స్థానంలో కొత్త వాటిని మారుస్తూ ఉంటే బియ్యం ఏడాది పొడవునా తాజాగా ఉంటాయి.