కొత్త టెలికాం చట్టం ప్రకారం, నకిలీ సిమ్ కార్డులను జారీ చేయడం లేదా ఇతరుల గుర్తింపును దుర్వినియోగం చేస్తే రూ. 50 లక్షల వరకు జరిమానా, మూడేళ్ల వరకు జైలు శిక్ష విధించబడుతుంది.

మీ పేరు మీద ఉన్న సిమ్ కార్డును వేరే వారికి ఇవ్వడం లేదా వారు దానిని తప్పుగా ఉపయోగించడం జరిగితే, చట్టపరమైన చర్యలు అసలు సిమ్ తీసుకున్న వ్యక్తి పైనే వస్తాయి.

చాలా ప్రాంతాలలో మోసగాళ్ళు ఇతరుల గుర్తింపు పత్రాలను దొంగిలించి వారి పేరు మీద అక్రమంగా సిమ్ కార్డులను తీసుకుంటున్న ఘటనలు వెలుగులోకి వస్తున్నాయి.

ప్రభుత్వానికి చెందిన 'సంచార్ సాథీ' వెబ్‌సైట్ లేదా యాప్ ద్వారా మీ పేరు మీద ఎన్ని మొబైల్ నంబర్లు యాక్టివ్‌గా ఉన్నాయో సులభంగా చెక్ చేసుకోవచ్చు.

మీ పేరు మీద ఉన్న జాబితాలో మీకు తెలియని లేదా మీరు ఉపయోగించని నంబర్లు ఏవైనా కనిపిస్తే వెంటనే ఆ పోర్టల్ ద్వారా రిపోర్ట్ చేసి బ్లాక్ చేయవచ్చు.

కేవలం సిమ్ కార్డులే కాకుండా మొబైల్ ఫోన్ల ఐఎంఈఐ నంబర్లను మార్చడం లేదా డూప్లికేట్ పరికరాలను వాడటం కూడా తీవ్రమైన నేరమేనని DoT హెచ్చరించింది.

సైబర్ నేరాలు, టెలికాం మోసాల బారిన పడకుండా ఉండాలంటే ఎప్పటికప్పుడు మీ ఐడెంటిటీపై ఉన్న కనెక్షన్లను పరిశీలించుకోవడం చాలా సురక్షితం.

ఎట్టి పరిస్థితుల్లోనూ మీ పేరు మీద ఉన్న సిమ్ కార్డులను వేరే వాళ్లకు బదిలీ చేయడం లేదా ఇవ్వకూడదని టెలికాం శాఖ స్పష్టం చేసింది.

మీ పేరు మీద ఉన్న సిమ్ కార్డులను మీరే గుర్తించి, అవసరం లేని సిమ్ కార్డులను డీ-యాక్టివేట్ చేసుకోవడం మంచిదని అధికారులు చెబుతున్నారు.