సరైన పద్ధతి ఎంచుకోండి:

గోల్డ్ లోన్ తీసుకోవడం ఎంత సులభమో, సరైన రీపేమెంట్ పద్ధతిని ఎంచుకోవడం అంతే ముఖ్యం.

సాధారణంగా బంగారు రుణాల్లో EMI, ప్రతి నెలా వడ్డీ చెల్లింపు, బుల్లెట్ రీపేమెంట్ (ఒకేసారి చెల్లింపు) అనే మూడు పద్ధతులు ఉంటాయి.

ప్రతి నెలా వడ్డీ మాత్రమే చెల్లిస్తే, అప్పు భారం పెరగకుండా మీ నియంత్రణలో ఉంటుంది.

కాలపరిమితి చివరలో మొత్తం ఒకేసారి చెల్లించే పద్ధతిలో వడ్డీ చక్రవడ్డీలా మారి భారం పెరుగుతుంది.

ప్రతి నెలా అసలు, వడ్డీ కలిపి చెల్లించడం వల్ల అప్పు క్రమంగా తగ్గుతూ వస్తుంది. ఇది ఆర్థిక క్రమశిక్షణను పెంచుతుంది.

అసలు మొత్తం ఎంత త్వరగా తగ్గితే, మీరు చెల్లించాల్సిన వడ్డీ అంతగా తగ్గుతుంది.

EMIలు లేదా వడ్డీ చెల్లింపులు ఆలస్యమైతే బ్యాంకులు జరిమానాలు విధిస్తాయి, ఇది అప్పును మరింత పెంచుతుంది.

సకాలంలో చెల్లింపులు చేయకపోతే తాకట్టు పెట్టిన మీ బంగారం వేలం వేయబడే అవకాశం ఉందని గుర్తుంచుకోండి.

స్థిరమైన ఆదాయం ఉన్నవారు EMI లేదా నెలవారీ వడ్డీ పద్ధతిని ఎంచుకోవడం అన్నింటికంటే ఉత్తమం.