ఫొటోలోని ఆధారాలు:

మనం పోస్ట్ చేసే ఫొటోలలో వెనుక కనిపించే సైన్ బోర్డులు, షాపుల పేర్లు, భవనాలు, మైలురాళ్లు లేదా కారు నంబర్ ప్లేట్లు మన లొకేషన్‌ను సులభంగా గుర్తిస్తాయి.

ఫొటో తీసినప్పుడు దాని వెనుక ఉండే డిజిటల్ డేటాలో లొకేషన్ వివరాలు దాగి ఉంటాయి. సోషల్ యాప్స్ వీటిని తొలగించినా, కొన్ని ఫొటోల ద్వారా డేటా బహిర్గతమయ్యే ప్రమాదం ఉంది.

గతంలో ఫొటో ఆధారంగా ప్రదేశాన్ని గుర్తించడానికి సమయం పట్టేది. కానీ ఇప్పుడు ఆర్టిఫిషియల్ ఇంటెలిజెన్స్ ఫొటోలోని చిన్న ఆధారంతో లొకేషన్‌ను కచ్చితంగా అంచనా వేస్తోంది.

సైబర్ నేరగాళ్లు లేదా అపరిచితులు మీరు వేర్వేరు సమయాల్లో పెట్టే ఫొటోలను సమగ్రంగా పరిశీలించి మీ రోజువారీ దినచర్యను సులభంగా ట్రాక్ చేస్తారు.

మీరు తరచుగా వెళ్లే రెస్టారెంట్లు, ఆఫీస్ లేదా జిమ్ ఫొటోలను పోస్ట్ చేయడం వల్ల మీరు ఎప్పుడు ఎక్కడ ఉంటారనే పూర్తి వివరాలు ఇతరులకు తెలిసిపోతాయి.

ఇంటి నుంచి బయలుదేరగానే లేదా ఒక ప్రదేశానికి చేరుకోగానే లైవ్ లొకేషన్ షేర్ చేయడం వల్ల మీ ఇల్లు ఖాళీగా ఉందనే సమాచారం దొంగలకు చేరుతుంది.

ఇంటి అడ్రస్ బోర్డులు, వీధి పేర్లు లేదా వాహనాల నంబర్ ప్లేట్లు స్పష్టంగా కనిపించే ఫొటోలను సోషల్ మీడియాలో పోస్ట్ చేయకూడదు.

మీ సోషల్ మీడియా ఖాతాలను పబ్లిక్‌గా ఉంచే బదులు ప్రైవేట్‌గా మార్చుకోవడం ద్వారా అపరిచితులు మీ ఫొటోలను చూడకుండా నిరోధించవచ్చు.

మీరు ట్రిప్‌లో ఉన్నప్పుడు రియల్ టైమ్‌లో కాకుండా, ఆ ప్రయాణం పూర్తయి ఇంటికి తిరిగొచ్చిన తర్వాతే ఫొటోలు అప్‌లోడ్ చేయడం సురక్షితం.

సోషల్ మీడియాలో లైక్‌లు, కామెంట్ల కంటే వ్యక్తిగత భద్రతే ముఖ్యం. ఫొటో అప్‌లోడ్ చేసే ముందు అందులో ఎలాంటి సున్నితమైన సమాచారం లేకుండా చూసుకోవడం శ్రేయస్కరం.