ఎలాన్ మస్క్ సంస్థకు సంబంధించిన శాటిలైట్ సేవలను దేశంలోకి తీసుకురావడంపై ప్రస్తుతం సర్వత్ర చర్చ నడుస్తోంది.

రిమోట్ లొకేషన్లలో కనెక్టివిటీ పెంచే ఈ శాటిలైట్ సేవల వల్ల దేశ భద్రతకు కొన్ని రకాల ముప్పులు పొంచి ఉన్నాయని నిపుణులు చెబుతున్నారు.

మన దేశంలో మారుమూల లేదా రిమోట్ లొకేషన్లు ఎక్కువగా పాకిస్థాన్, బంగ్లాదేశ్, చైనా, మయన్మార్ సరిహద్దుల్లోనే ఉండటం గమనార్హం.

ఉక్రెయిన్, మయన్మార్‌లో ఈ శాటిలైట్ టెక్నాలజీ దుర్వినియోగం అయ్యిందనే నివేదికలు కూడా ప్రభుత్వాలను అప్రమత్తం చేస్తున్నాయి.

ఇలాంటి సున్నితమైన అంశాల నేపథ్యంలో ఒక విదేశీ సంస్థకు గ్రీన్ సిగ్నల్ ఇచ్చే ముందు కేంద్ర ప్రభుత్వం అన్ని కోణాల్లోనూ పరిశీలిస్తోంది.

ఎర్త్ ఆర్బిట్ శాటిలైట్లతో నడిచే ఈ సేవలకు సంబంధించిన యాంటీనా, రౌటర్ సెటప్ ఖర్చులు భారతదేశంలో సుమారు రూ. 34 వేల వరకు అవుతాయని అంచనా.

మొదట్లో 250mbps స్పీడ్ కోసం రూ. 8,600గా పేర్కొన్న సంస్థ, ఇప్పుడు దానిని రూ. 3500 రేంజ్‌కు తగ్గించే అంశాన్ని పరిశీలిస్తున్నట్లు సమాచారం.

ఇతర దేశాల ధరలతో పోలిస్తే, మన దేశంలో BSNL, JIO, ఎయిర్‌టెల్ అందిస్తున్న రూ. 899, రూ. 1599 మధ్య ఉన్న ప్లాన్ల కంటే ఇది చాలా ఎక్కువ.

దేశ భద్రత, వినియోగదారుల ప్రయోజనాలను దృష్టిలో ఉంచుకొని ప్రభుత్వం కఠినమైన విధివిధానాలను రూపొందించిన తర్వాతే తుది నిర్ణయం తీసుకోనుంది.