బండి మీద రుచి ఇంట్లోనే:

బండ్ల మీద దొరికే వేడి వేడి పెసర పునుగుల రుచి ఇక మీ ఇంట్లోనే. కొన్ని చిన్న చిట్కాలు పాటిస్తే చాలు.

చాలామంది ఇంట్లో చేసినా బండి మీద దొరికే రుచి రాదని బాధపడతారు. అసలు సీక్రెట్ ఏంటో ఇప్పుడు తెలుసుకుందాం.

1 కప్పు పెసరపప్పు, 2-3 స్పూన్ల బియ్యం పిండి, 4-5 పచ్చిమిర్చి, చిన్న అల్లం ముక్క, 1 స్పూన్ జీలకర్ర, 1 ఉల్లిపాయ ఉంటే చాలు.

పెసరపప్పును కనీసం 3 నుంచి 4 గంటల పాటు నీళ్లలో నానబెట్టాలి. వీలైతే పొట్టు ఉన్న పప్పు వాడటం మంచిది.

నానిన పప్పును నీళ్లలా మెత్తగా రుబ్బకూడదు. నీళ్లు ఎక్కువగా వేయకుండా బరకగా, గట్టిగా రుబ్బితే పునుగులు గుల్లగా వస్తాయి.

రుబ్బిన పిండిని గిన్నెలో వేసి చేత్తో 2-3 నిమిషాలు కలపాలి. పిండిలోకి గాలి చేరి పునుగులు దూదిలా సాఫ్ట్‌గా వస్తాయి.

పిండిలో 2 నుంచి 3 స్పూన్ల బియ్యం పిండి కలపాలి. బండ్ల మీద దొరికే పునుగుల్లా కరకరలాడటానికి ఇదే ప్రధాన కారణం.

సన్నగా తరిగిన ఉల్లిపాయ, పచ్చిమిర్చి-అల్లం పేస్ట్, జీలకర్ర, కరివేపాకు, కొత్తిమీర, ఉప్పు వేసి బాగా కలపాలి.

డీప్ ఫ్రైకి సరిపడా నూనె బాగా కాగనివ్వాలి. మీడియం ఫ్లేమ్‌లో చిన్న చిన్న పునుగులుగా వేసి బంగారు రంగు వచ్చే వరకు వేయించాలి.

వేడి వేడి పెసరపునుగులను అల్లం చట్నీ లేదా పల్లీ చట్నీతో సర్వ్ చేస్తే ఆ రుచి మాటల్లో చెప్పలేం.