Summer Health: వేసవిలో గ్యాస్ట్రో ముప్పు...తీసుకోవాల్సిన జాగ్రత్తలు ఇవే

హైదరాబాద్‌లోని ఫీవర్ ఆసుపత్రికి నిత్యం 20 గ్యాస్ట్రో కేసులు వస్తుండగా, నీలోఫర్‌లో 30కి పైగా చిన్నారులు అతిసారతో చేరుతున్నారు. ప్రైవేట్ సెంటర్లలో కూడా ఈ కేసులు 30% పెరిగాయి.

అధిక ఉష్ణోగ్రతల వల్ల బ్యాక్టీరియా వేగంగా వృద్ధి చెందుతుంది. దీనివల్ల వండిన ఆహారం గంటల్లోనే పాడైపోయి, తిన్న వెంటనే ఫుడ్ పాయిజనింగ్‎కు దారితీస్తోంది.

ఎండల వల్ల నీటి నిల్వలు తగ్గి, పైపుల్లో కలుషిత నీరు చేరే అవకాశం ఉంది. ఈ నీటిని నేరుగా తాగడం వల్ల టైఫాయిడ్, కలరా వంటి వ్యాధులు ప్రబలుతున్నాయి.

వికారం, ఆగని వాంతులు, కడుపులో నొప్పి (తిమ్మిర్లు), విరేచనాలు, తీవ్రమైన నీరసం మరియు జ్వరం ఉంటే తక్షణమే అప్రమత్తం కావాలి.

కేవలం ఫిల్టర్ నీటిపైనే ఆధారపడకుండా, నీటిని బాగా మరిగించి, చల్లార్చిన తర్వాతే తాగడం అత్యంత శ్రేయస్కరం. బయట దొరికే విప్పదీసిన నీటిని తాగకండి.

ఫ్రిజ్‌లో పెట్టిన ఆహారం లేదా ఉదయం వండినది రాత్రికి తినడం వేసవిలో మంచిది కాదు. రోడ్డు పక్కన అమ్మే కట్ చేసిన పండ్లు, జ్యూస్‌లకు వీలైనంత దూరంగా ఉండాలి.

శరీరంలో నీటి శాతం తగ్గకుండా ఉండాలంటే కొబ్బరి నీళ్లు, మజ్జిగతో పాటు స్వల్ప లక్షణాలు ఉన్నప్పుడే ఓఆర్ఎస్ ద్రావణం తీసుకోవాలి.

నోరు ఎండిపోవడం, కళ్లు లోతుకు పోవడం, మూత్రం రాకపోవడం వంటి లక్షణాలు కనిపిస్తే ఇంటి చిట్కాలు వదిలి వెంటనే ఆసుపత్రిలో చేరాలి.