రాజీనామా:

ఆంత్రోపిక్ సంస్థలో పనిచేస్తున్న 27 ఏళ్ల ఏఐ పరిశోధకుడు జాకబ్ కాక్సన్ తన ఉద్యోగానికి రాజీనామా చేస్తూ సోషల్ మీడియాలో పోస్ట్ చేశారు.

2030 చివరి నాటికి కృత్రిమ మేధస్సు (AI) అత్యంత ప్రమాదకరంగా మారి మానవాళి ఉనికినే ప్రశ్నార్థకం చేయవచ్చని ఆయన హెచ్చరించారు.

ఓపెన్ ఏఐ, ఆంత్రోపిక్ వంటి అగ్రశ్రేణి ఏఐ సంస్థల్లో జాకబ్‌కు 3 ఏళ్లకు పైగా పనిచేసిన అనుభవం ఉంది.

ఏఐ అభివృద్ధిలో దిగ్గజ సంస్థలు బాధ్యతాయుతంగా వ్యవహరించడం లేదని ఆయన తీవ్రంగా విమర్శించారు.

మానవ నియంత్రణను దాటి స్వయంగా నిర్ణయాలు తీసుకోగల 'సూపర్ ఇంటెలిజెన్స్' వైపు ఏఐ వేగంగా అడుగులు వేస్తోందని తెలిపారు.

భవిష్యత్తులో వచ్చే అధునాతన ఏఐ వ్యవస్థలు తీవ్రమైన సైబర్ దాడులకు పాల్పడటంతో పాటు సొంతంగా అధికారాలను చేజిక్కించుకోగలవని ఆయన ఆందోళన వ్యక్తం చేశారు.

"మేమే అందరికంటే ముందుండాలి" అనే పోటీ తత్వంతోనే కంపెనీలు భద్రతను పక్కనబెట్టి ఏఐని వేగంగా అభివృద్ధి చేస్తున్నాయని చెప్పారు.

ఓపెన్ ఏఐలో ప్రమాద తీవ్రతపై సరైన అవగాహన లేదని, ఆంత్రోపిక్‌కు అవగాహన ఉన్నప్పటికీ పోటీ వల్ల వేగాన్ని తగ్గించలేకపోతోందని పేర్కొన్నారు.

ఏఐ ల్యాబ్‌లలో పనిచేస్తున్న సైంటిస్టులు రాబోయే కొన్నేళ్లలో ఏఐ ఎటు దారితీస్తుందో తీవ్రంగా ఆలోచించాలని ఆయన కోరారు.

ఏఐ సామర్థ్యాలను పెంచే కంటే ముందు ఆ వ్యవస్థల పనితీరు, స్వభావాన్ని స్పష్టంగా అర్థం చేసుకోవడం అత్యవసరమని ఆయన నొక్కి చెప్పారు.