Virat Kohli Birthday: కింగ్ కోహ్లీ @ 38.. "చీకూ" గురించి మీకు తెలియని 10 సీక్రెట్స్..!

1988 నవంబర్ 5న ఢిల్లీలో జన్మించిన విరాట్ కోహ్లీ, ఈరోజు 38వ పుట్టినరోజు జరుపుకుంటున్నాడు.

కోహ్లీకి ముద్దు పేరు "చీకూ". ఢిల్లీ కోచ్ అజిత్ చౌదరి చిన్నప్పుడు ఈ పేరు పెట్టారు. ఇప్పటికీ డ్రెస్సింగ్ రూమ్‌లో ఇదే పేరుతో పిలుస్తారు.

కోహ్లీకి మూడేళ్ల వయసు నుంచే క్రికెట్‌పై ఆసక్తి ఉందని అతడి కుటుంబం చెబుతుంది. ఎనిమిదేళ్ల వయసులో కోచ్ రాజ్‌కుమార్ శర్మ దగ్గర వెస్ట్ ఢిల్లీ క్రికెట్ అకాడమీలో చేరాడు.

2008 అండర్-19 వరల్డ్ కప్‌కు కోహ్లీ భారత కెప్టెన్. ఆ టోర్నీ సెమీఫైనల్‌లో న్యూజిలాండ్ కెప్టెన్ కేన్ విలియమ్సన్‌ను ఔట్ చేశాడు. ఏడు ఓవర్లలో 27 పరుగులిచ్చి 2 వికెట్లు తీశాడు.

2011లో కెవిన్ పీటర్సన్‌ను "జీరోత్ బాల్"పై ఔట్ చేసి, టీ20 అంతర్జాతీయాల్లో నాన్-లీగల్ డెలివరీపై వికెట్ తీసిన ఏకైక ఆటగాడిగా నిలిచాడు. అలాగే కెరీర్‌లో రెండుసార్లు వికెట్ కీపింగ్ కూడా చేశాడు.

కోహ్లీ ఇప్పటివరకు ఐపీఎల్ వేలంలోకి రాలేదని రిపోర్టులు చెబుతున్నాయి. అండర్-19 డ్రాఫ్ట్‌లో ఎంపికైన అతడి తొలి జీతం 2008 నుంచి 2010 వరకు సీజన్‌కు కేవలం రూ.12 లక్షలు. తొలి మూడు సీజన్లలో ఒక్క మ్యాన్ ఆఫ్ ది మ్యాచ్ అవార్డు కూడా గెలవలేదు.

కోహ్లీకి నాలుగు టాటూలు ఉన్నాయి. ఎడమ ముంజేయిపై గోల్డెన్ డ్రాగన్ టాటూ అదృష్టం తెస్తుందని నమ్మకం. అతడికి అత్యంత ఇష్టమైన టాటూ సమురాయ్ యోధుడిది.

2006 డిసెంబర్ 18న కోహ్లీ తండ్రి ప్రేమ్ కోహ్లీ గుండెపోటుతో కన్నుమూశారు. అప్పుడు అతడు కర్ణాటకతో రంజీ మ్యాచ్‌లో ఆడుతున్నాడు. మరుసటి రోజు బ్యాటింగ్ కొనసాగించి 90 పరుగులు చేశాడు. తండ్రి కల కోసం భారత్ తరఫున ఆడాలని ఆ క్షణంలో నిర్ణయించుకున్నాడని చెప్పాడు.

ఒకప్పుడు మటన్ బిర్యానీకి ఫ్యాన్ అయిన కోహ్లీ, 2018లో వీగన్ డైట్‌కు మారినట్లు రిపోర్టులు చెబుతున్నాయి. జపనీస్ వంటకాలు అతడికి ఇష్టమైన క్యూజిన్. పంజాబీ పాటలతో పాటు సూఫీ సంగీతం కూడా ఇష్టం. స్కూల్లో ఇష్టమైన సబ్జెక్ట్ హిస్టరీ.

2013లో చదువు, ఆటలకు దూరమైన పేద పిల్లల కోసం సంస్థ ప్రారంభిస్తానని కోహ్లీ చెప్పాడు. అలా పుట్టిందే విరాట్ కోహ్లీ ఫౌండేషన్. హ్యాపీ బర్త్‌డే కింగ్ కోహ్లీ!