వాట్సాప్‌లో స్మార్ట్ టెక్స్ట్ యాక్షన్స్:

వాట్సాప్ కొత్తగా స్మార్ట్ టెక్స్ట్ యాక్షన్స్ ఫీచర్‌ను తీసుకొస్తోంది. కాపీ, పేస్ట్ చేయకుండా చాట్‌లోనే పనులు పూర్తి చేసుకోవచ్చు.

చాట్‌లోని ఫోన్ నంబర్లు, తేదీలు, సమయాలు, ఈమెయిల్ అడ్రస్‌లు, లొకేషన్లను ఈ ఫీచర్ గుర్తించి షార్ట్‌కట్లు చూపిస్తుంది.

ఆండ్రాయిడ్, ఐఓఎస్‌లో తాజా వెర్షన్ వాడేవారికి నంబర్లు, అడ్రస్‌లు, తేదీల కింద చుక్కల అండర్‌లైన్ కనిపిస్తుంది.

హైలైట్ అయిన టెక్స్ట్‌పై ట్యాప్ చేస్తే షార్ట్‌కట్ ఆప్షన్లతో మెనూ తెరుచుకుంటుంది. అక్కడి నుంచే పని పూర్తి చేయవచ్చు.

ఫోన్ నంబర్‌ను కాపీ చేయడం, కాంటాక్ట్స్‌లో సేవ్ చేయడం లేదా నేరుగా కాల్ చేయడం వంటి ఆప్షన్లు కనిపిస్తాయి.

తేదీలు, సమయాలపై ట్యాప్ చేసి కాపీ చేయవచ్చు. క్యాలెండర్‌లో ఈవెంట్ యాడ్ చేయడం లేదా కొత్త ఈవెంట్ మొదలుపెట్టడం కూడా సాధ్యమే.

చాట్‌లో అడ్రస్ కనిపిస్తే దానిపై ట్యాప్ చేసి మ్యాప్స్‌లో ఓపెన్ చేయవచ్చు. దారి చూపించే డైరెక్షన్లు వెంటనే వస్తాయి.

ఈమెయిల్ అడ్రస్‌పై ట్యాప్ చేస్తే మీ డిఫాల్ట్ ఈమెయిల్ యాప్ తెరుచుకుంటుంది. అక్కడే వెంటనే మెయిల్ రాసి పంపవచ్చు.

స్నేహితులు పంపినా, మీరే టైప్ చేసినా ఈ ఫీచర్ పనిచేస్తుంది. అవసరం లేదనుకుంటే అండర్‌లైన్లను పట్టించుకోకుండా చాట్ చేయవచ్చు.

ఈ ఫీచర్‌ను అధికారికంగా ప్రకటించలేదు. కొందరు ఆండ్రాయిడ్, ఐఓఎస్ యూజర్లకు దశలవారీగా వస్తోంది. ప్లే స్టోర్ లేదా యాప్ స్టోర్ నుంచి అప్‌డేట్ చేసుకోండి.