కనిపించే ఫిట్‌నెస్ వేరు.. గుండె ఆరోగ్యం వేరు:

బయటికి సన్నగా, బలంగా కనిపించినంత మాత్రాన గుండె లోపల ఆరోగ్యంగా ఉందని చెప్పలేం.

రక్త నాళాల్లో కలిగే నిశ్శబ్ద వాపు ఏళ్ల తరబడి ధమనులను దెబ్బతీస్తుంది. ఇది సాధారణ పరీక్షల్లో కూడా బయటపడదు.

సుదీర్ఘ పని గంటలు, మానసిక ఒత్తిడి వల్ల పెరిగే స్ట్రెస్ హార్మోన్లు హఠాత్తుగా గుండెపోటుకు దారితీస్తాయి.

రోజుకు కనీసం 7-8 గంటల నిద్ర లేకపోవడం వల్ల రక్తపోటు పెరిగి గుండె బలహీనపడుతుంది.

కుటుంబంలో గుండె సమస్యల చరిత్ర ఉంటే, మీరు ఎంత ఫిట్‌గా ఉన్నా ప్రమాదం పొంచి ఉన్నట్లే.

శరీర సామర్థ్యానికి మించి వర్కవుట్స్ చేయడం, స్టెరాయిడ్స్ వాడటం గుండెపై తీవ్ర ప్రభావం చూపుతాయి.

అతిగా ప్రాసెస్ చేసిన ఫుడ్స్, చక్కెర ఎక్కువగా ఉండే పదార్థాలు రక్త నాళాల్లో కొవ్వు పేరుకుపోయేలా చేస్తాయి.

ఎక్సర్‌సైజ్ చేస్తున్నా సరే.. సిగరెట్, మద్యం అలవాట్లు ఉంటే అవి ధమనులను గట్టిపడేలా చేస్తాయి.

ఛాతీ పట్టేయడం, దవడ నొప్పి, విపరీతమైన చెమటలు, శ్వాస తీసుకోవడంలో ఇబ్బంది ఉంటే వెంటనే అలర్ట్ అవ్వాలి.

క్రమం తప్పకుండా గుండె పరీక్షలు చేయించుకోవడం, యోగా, మెడిటేషన్ ద్వారా గుండెను కాపాడుకోవచ్చు.