ఒకప్పటి క్రేజీ ఫీచర్:

గతంలో ప్రతి బడ్జెట్, మిడ్-రేంజ్ స్మార్ట్‌ఫోన్‌లో FM రేడియో తప్పనిసరి ఫీచర్‌గా ఉండేది.

ఇంటర్నెట్ డేటాతో పనిలేకుండా, ఇయర్ ఫోన్స్ ప్లగ్-ఇన్ చేసి ఉచితంగా లోకల్ ఎఫ్‌ఎమ్‌ స్టేషన్లు వినే అవకాశం ఉండేది.

వైర్డ్ ఇయర్ ఫోన్‌లోని వైర్ యాంటెన్నాగా పనిచేసేది, అందువల్ల నెట్‌వర్క్ లేని ప్రాంతాల్లోనూ ఎఫ్‌ఎమ్‌ బాగా పనిచేసేది.

2013లో ఎమిస్ కమ్యూనికేషన్స్ అనే సంస్థ నెక్స్ట్ రేడియో యాప్ ద్వారా స్మార్ట్‌ఫోన్లలో FMని విస్తరించాలని చూసింది.

ఎస్‌ప్రింట్, ఎల్‌జీ, శామ్‌సంగ్ వంటి కంపెనీలతో నెక్స్ట్ రేడియో ఒప్పందాలు చేసుకున్నా, ఆ ప్రయత్నం ఎక్కువ కాలం సాగలేదు.

వినియోగదారుల నుంచి ఈ ఫీచర్‌కు ఆశించిన స్థాయిలో డిమాండ్ లేదని మొబైల్ ఆపరేటర్లు, తయారీదారులు భావించారు.

యూట్యూబ్, స్పాటిఫై, ఇతర ఆడియో స్ట్రీమింగ్ యాప్‌లు అందుబాటులోకి రావడంతో ఎఫ్‌ఎమ్ ప్రాధాన్యత తగ్గడం ప్రారంభమైంది.

హై-స్పీడ్ 4G, 5G డేటా అందుబాటులోకి రావడంతో ప్రజలు నచ్చిన పాటలు, పాడ్‌కాస్ట్‌లను కోరుకున్న సమయంలో వినడానికి అలవాటుపడ్డారు.

ఆధునిక స్మార్ట్‌ఫోన్ల నుంచి 3.5mm హెడ్‌ఫోన్ జాక్‌ను తొలగించడం కూడా FM రేడియో మాయమవడానికి ఒక కారణం.

వినియోగదారులు ఎక్కువగా ఇష్టపడే అడ్వాన్స్‌డ్ ఫీచర్లు, వైర్‌లెస్ ఆడియోపైనే స్మార్ట్‌ఫోన్ కంపెనీలు ప్రస్తుతం దృష్టి సారిస్తున్నాయి.