Bachupally: ముఖ్యమంత్రి చేత బాచుపల్లి ఫ్లైఓవర్ ప్రారంభోత్సవం

Bachupally: తెలంగాణ ప్రభుత్వం, హెచ్‌ఎండీఏ/హెచ్‌జీసీఎల్ ద్వారా నగర రవాణా సౌలభ్యాన్ని మెరుగుపరచడం, ట్రాఫిక్ రద్దీని తగ్గించడం, రహదారి భద్రతను పెంపొందించడం మరియు హైదరాబాద్ పశ్చిమ అభివృద్ధి కారిడార్‌లో అనుసంధానాన్ని బలోపేతం చేయడం లక్ష్యంగా కీలక మౌలిక వసతుల ప్రాజెక్టులను చేపడుతోంది. అందులో భాగంగా

1. బాచుపల్లి ఫ్లైఓవర్

మియాపూర్ క్రాస్‌రోడ్స్ నుండి గండిమైసమ్మ వరకు సాఫీగా ట్రాఫిక్ ప్రవాహం సాగేందుకు బాచుపల్లి క్రాస్‌రోడ్స్ వద్ద హెచ్‌ఎండీఏ బాచుపల్లి ఫ్లైఓవర్ నిర్మాణాన్ని పూర్తి చేసింది.

ఈ ప్రాజెక్టు ట్రాఫిక్ రద్దీని తగ్గించడం, ప్రయాణ సమయాన్ని ఆదా చేయడం, రహదారి భద్రతను మెరుగుపరచడం మరియు వేగంగా అభివృద్ధి చెందుతున్న ఈ ప్రాంతానికి సమర్థవంతమైన అనుసంధానాన్ని అందించడం కోసం రూపొందించబడింది.

ఈ ఫ్లైఓవర్ 1.30 కి.మీ. పొడవుతో, 4 లేన్ల రహదారి (17.5 మీటర్ల వెడల్పు), 19 పియర్లు/అబట్‌మెంట్‌లతో నిర్మించబడింది. అదనంగా 1.30 కి.మీ. పొడవైన రెండు లేన్ల స్లిప్ రోడ్లు ఏర్పాటు చేయబడ్డాయి. ఈ ప్రాజెక్టు రూ.65.53 కోట్ల వ్యయంతో పూర్తి చేయబడింది.