లవ్ అండ్ రివెంజ్ డ్రామా ‘జంగా’.. స్పెషల్ పోస్టర్‌తో షాకిచ్చిన హీరో త్రిగుణ్!

Jangaa: ఇటీవలే ‘ఈష’ అనే సస్పెన్స్ థ్రిల్లర్ చిత్రంతో సాలిడ్ సక్సెస్ అందుకున్న యంగ్ హీరో త్రిగుణ్ సరికొత్త ప్రాజెక్ట్‌తో ప్రేక్షకుల ముందుకు రావడానికి సిద్ధమవుతున్నారు. ఆయన నటిస్తున్న తాజా యాక్షన్ ఎంటర్‌టైనర్ చిత్రం ‘జంగా’ . తాజాగా త్రిగుణ్ పుట్టినరోజును పురస్కరించుకుని ఈ సినిమా మేకర్స్ ఒక క్రేజీ అప్‌డేట్ ఇచ్చారు. చిత్రంలోని త్రిగుణ్ ఫస్ట్ లుక్ , మోషన్ పోస్టర్‌ను విడుదల చేశారు. ఇప్పటివరకు లవ్లీ, సాఫ్ట్ క్యారెక్టర్లలో కనిపించిన ఈ యంగ్ హీరో... ఇందులో మునుపెన్నడూ చూడని విధంగా కంప్లీట్ మాస్ అండ్ రగ్గడ్ అవతార్‌లో కనిపించి అందరినీ ఆశ్చర్యపరిచారు.

‘శివుడు మేల్కొన్నాడు’.. ఆకట్టుకుంటున్న టైటిల్ టాగ్ లైన్!

ఆర్కే ఫిల్మ్ ఫ్యాక్టరీ బ్యానర్‌పై రమ్య కిలారి, జయచంద్ర నాయుడు సంయుక్తంగా నిర్మిస్తున్న ఈ చిత్రానికి కెవిన్ గడ్డం దర్శకత్వం వహిస్తున్నారు. ఆయనే ఈ సినిమాకు కథ, స్క్రీన్‌ప్లే కూడా సమకూర్చారు. ప్రస్తుతం ఈ చిత్రం వేగంగా షూటింగ్ జరుపుకుంటోంది. త్రిగుణ్ బర్త్‌డే ట్రీట్‌గా వచ్చిన మోషన్ పోస్టర్ సినిమా ప్రపంచం ఎంత ఇంటెన్సివ్‌గా ఉండబోతోందో హింట్ ఇచ్చింది.

ఈ సినిమా టైటిల్ లోగో పక్కనే ఉంచిన ‘త్రిశూలం’ ఆయుధం అందరిలోనూ ఆసక్తిని రేకెత్తిస్తోంది. ముఖ్యంగా “వెన్ లవ్ బర్న్స్.. శివ అవేకన్స్” (When Love Burns, Shiva Awakens) అనే ట్యాగ్‌లైన్ సినిమాపై అంచనాలను పెంచేసింది. ప్రేమ, పగ , దైవిక ఆగ్రహం నేపథ్యంలో ఈ కథ సాగనుందని ఈ ట్యాగ్‌లైన్ స్పష్టం చేస్తోంది.

వరలక్ష్మి శరత్‌కుమార్ కీలక పాత్రలో..

భారీ సాంస్కృతిక, ఆధ్యాత్మిక అంశాలతో కూడిన పక్కా యాక్షన్ డ్రామాగా ‘జంగా’ చిత్రం రూపొందుతోంది. ఈ సినిమాలో నటీనటుల ఎంపిక కూడా చాలా బలంగా ఉంది.

ఈ చిత్రంలో త్రిగుణ్ సరసన నేహా పఠాన్ కథానాయికగా నటిస్తోంది. విలక్షణ నటి వరలక్ష్మి శరత్‌కుమార్ ఒక అత్యంత ప్రాధాన్యత ఉన్న పాత్రలో మెరవనున్నారు.శ్రవణ్ రాఘవేంద్ర, మధు నందన్, గగన్ విహారి, చందు గౌడ్ , ‘జబర్దస్త్’ రవి తదితరులు ముఖ్య పాత్రలు పోషిస్తున్నారు.

మోషన్ పోస్టర్‌లో చూపించిన విజువల్స్, నెక్స్ట్ లెవెల్ బ్యాక్‌గ్రౌండ్ స్కోర్, త్రిగుణ్ రగ్గడ్ మేకోవర్ చూస్తుంటే ఈ సినిమాతో ఆయన ఖాతాలో మరో మాస్ హిట్ పడటం ఖాయంగా కనిపిస్తోంది.