బాలకృష్ణ సినిమాలో విలన్గా ఆ సీనియర్ స్టార్ హీరో.. ఫ్యాన్స్కు పూనకాలే!
Balakrishna: నటసింహం నందమూరి బాలకృష్ణ, సక్సెస్ఫుల్ డైరెక్టర్ కొరటాల శివ కాంబినేషన్లో ఒక భారీ ప్రాజెక్ట్ పట్టాలెక్కబోతున్న సంగతి తెలిసిందే.
బాలకృష్ణ సినిమాలో విలన్గా ఆ సీనియర్ స్టార్ హీరో.. ఫ్యాన్స్కు పూనకాలే!
Balakrishna: నటసింహం నందమూరి బాలకృష్ణ, సక్సెస్ఫుల్ డైరెక్టర్ కొరటాల శివ కాంబినేషన్లో ఒక భారీ ప్రాజెక్ట్ పట్టాలెక్కబోతున్న సంగతి తెలిసిందే. ఇప్పటికే ఈ చిత్రానికి సంబంధించిన ప్రీ-ప్రొడక్షన్ పనులు దాదాపు చివరి దశకు చేరుకున్నాయి. ‘దేవర’ వంటి భారీ విజయం తర్వాత కొరటాల శివ స్క్రిప్ట్ వండుతుండటంతో ఈ సినిమాపై అంచనాలు భారీగా ఉన్నాయి. ఈ నేపథ్యంలో తాజాగా ఈ మూవీకి సంబంధించిన ఒక సంచలన వార్త ఫిలిం నగర్ వర్గాల్లో, సోషల్ మీడియాలో విపరీతంగా వైరల్గా మారింది.
బాలయ్యతో ‘యాంగ్రీ యంగ్ మ్యాన్’ ఢీ.. పవర్ఫుల్ విలన్గా రాజశేఖర్!
ఈ క్రేజీ ప్రాజెక్ట్లో ప్రతినాయకుడి (విలన్) పాత్ర కోసం దర్శకుడు కొరటాల శివ ఒక ఊహించని పేరును తెరపైకి తెచ్చారు. సీనియర్ హీరో, యాంగ్రీ యంగ్ మ్యాన్ రాజశేఖర్ ఈ సినిమాలో బాలకృష్ణకు విలన్గా నటించబోతున్నట్లు గట్టిగా టాక్ వినిపిస్తోంది. ఇప్పటికే మూవీ టీమ్ ఆయనను సంప్రదించగా, కథలోని పవర్ఫుల్ క్యారెక్టరైజేషన్ నచ్చి రాజశేఖర్ కూడా సానుకూలంగా స్పందించినట్లు తెలుస్తోంది. వెండితెరపై బాలయ్య - రాజశేఖర్ తలపడితే థియేటర్లలో పూనకాలు రావడం ఖాయం. ఈ ఇద్దరి మధ్య వచ్చే మైండ్ గేమ్ అండ్ యాక్షన్ సీన్స్ సినిమాకే హైలైట్గా నిలవనున్నాయట.
మాఫియా బ్యాక్డ్రాప్లో బాలయ్య.. ఆగస్టు నుండి షూటింగ్!
ఈ సినిమాలో బాలకృష్ణ లుక్, మేకోవర్ మునుపెన్నడూ లేని విధంగా సరికొత్తగా ఉండబోతోంది. ముఖ్యంగా ఈ చిత్రంలో వచ్చే ఫ్లాష్ బ్యాక్ ఎపిసోడ్స్ అత్యంత ఆసక్తికరంగా ఉంటాయని సమాచారం.
ఫ్లాష్ బ్యాక్లో బాలయ్య పాత్ర పూర్తిస్థాయి మాఫియా నేపథ్యంలో, ఊరమాస్ అవతార్లో సాగుతుందని టాక్. కొరటాల శివ మార్క్ కమర్షియల్ విలువలకి తోడు, ఈ సినిమాలో ఫ్యామిలీ ఎమోషన్స్ చాలా బలంగా ఉండబోతున్నాయట.
ఈ భారీ యాక్షన్ డ్రామాను ఎక్కడా కాంప్రమైజ్ కాకుండా సుధాకర్ చెరుకూరి (శ్రీ లక్ష్మి వెంకటేశ్వర సినిమాస్) , సుధాకర్ మిక్కిలినేని సంయుక్తంగా నిర్మిస్తున్నారు. అన్ని కుదిరితే ఈ చిత్రాన్ని ఆగస్టు నెలలో సెట్స్ పైకి తీసుకెళ్లడానికి మేకర్స్ ప్లాన్ చేస్తున్నారు.
Srinivas Rao
శ్రీనివాస్ రావు జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థలు అయిన ఈనాడు, ఆంధ్రజ్యోతి, ఏపీ7 ఏఎంలో పనిచేసి విలువైన అనుభవాన్ని సంపాదించారు. విశ్లేషణాత్మక దృక్పథంతో వార్తలకు కొత్త కోణాన్ని జోడిస్తూ పాఠకుల విశ్వాసాన్ని పొందుతున్నారు.