YS Sharmila: “ఫోన్ ట్యాపింగ్ పచ్చి నిజం.. జగన్-కేసీఆర్ కుట్ర” – షర్మిల సంచలన ఆరోపణలు.

“తెలంగాణలో ఫోన్ ట్యాపింగ్ జరిగింది పచ్చి నిజం. నా ఫోన్‌ను, నా భర్త ఫోన్‌ను ట్యాప్ చేశారు. నా చుట్టూ ఉన్న వారిని గుండేలా డాడ్ చేశారంటూ..” అంటూ ఏపీ కాంగ్రెస్ అధ్యక్షురాలు వైఎస్ షర్మిల (YS Sharmila) సంచలన ఆరోపణలు చేశారు.

విశాఖపట్నం విమానాశ్రయంలో మీడియాతో మాట్లాడిన ఆమె, ఫోన్ ట్యాపింగ్ విషయంలో ఉన్న అసలు నిజాలు బయటపెట్టారు. ఈ వ్యవహారంలో జగన్, కేసీఆర్ కలిసి తనను రాజకీయంగా, ఆర్థికంగా అణచివేయాలన్న కుట్రలో భాగమని ఆమె ఆరోపించారు.

📞 “ఫోన్ ట్యాపింగ్ జరిగిందని వైవీ సుబ్బారెడ్డి ధ్రువీకరించారు”

• ‘‘నా ఫోన్ ట్యాప్ అయినట్లు వైవీ సుబ్బారెడ్డి స్వయంగా చెప్పారు’’ అని షర్మిల అన్నారు.
• ‘‘అంతేకాదు, ట్యాపింగ్ సమయంలో రికార్డ్ అయిన నాది ఒక ఆడియో నాకే వినిపించారు,’’ అని ఆమె పేర్కొన్నారు.
• ‘‘ఫోన్ ట్యాపింగ్‌పై విచారణకు ఎక్కడ పిలిచినా వస్తాను. ఇది జాతీయ స్థాయిలో విచారణకు దారి తీసే అంశం,’’ అని స్పష్టం చేశారు.

🔥 “జగన్-కేసీఆర్ పొత్తే నా రాజకీయం దెబ్బతీసింది”

• ‘‘అప్పుడు జగన్, కేసీఆర్ మధ్య ఉన్న సంబంధం చూసి రక్త సంబంధం కూడా చిన్నబోయింది’’ అంటూ తీవ్రంగా వ్యాఖ్యానించారు.
• ‘‘నా భవిష్యత్తు నాశనం చేసేందుకు కుట్ర చేశారు. నాకు మద్దతుగా ఉన్నవారిని బెదిరించారు. నా పార్టీని తెలంగాణలో పెరగకుండా అడ్డుకున్నారు,’’ అని ఆవేదన వ్యక్తం చేశారు.
• ‘‘తెలంగాణలో నేను పార్టీ పెట్టడంలో జగన్‌కి ఎలాంటి సంబంధం లేదు. కానీ, కేసీఆర్ కోసం నన్ను తొక్కి పెట్టాలనుకున్నాడు’’ అని షర్మిల తీవ్ర ఆరోపణ చేశారు.

⚖️ “అప్పుడు ఫోన్ ట్యాపింగ్ గురించి బయటకి చెప్పలేను”

• ‘‘అప్పుడు పరిస్థితులు వేరు. కేసీఆర్, జగన్ చేసిన అరాచకాలు చూస్తే, ఫోన్ ట్యాపింగ్ చిన్న విషయం మాత్రమే.
• జగన్‌కి తల్లి ఒడిలో పుట్టిన చెల్లెల్ని అయినా, నాకు ఎదగకూడదని కుట్ర చేశారు,’’ అని షర్మిల అన్నారు.
• ‘‘నా ప్రతి ఉద్యమానికి అడ్డు అయ్యారు. రాజకీయంగా నాకు ఎదురొచ్చే అవకాశాలను కట్ చేశారు,’’ అంటూ విమర్శలు గుప్పించారు.

📢 పార్టీ స్థాపనపై స్పష్టత

‘‘తెలంగాణలో నేను పార్టీ పెట్టడంలో జగన్‌కి సంబంధం లేదు. నా స్వంత ఆలోచనలతోనే పార్టీ ప్రారంభించాను.కానీ, తాను మద్దతివ్వకుండా, పరంగా నాకు రాజకీయ అడ్డంకులు తీసుకొచ్చారు,’’ అని ఆరోపించారు.

👉 షర్మిల సంచలన వ్యాఖ్యలపై రాజకీయ వర్గాల్లో కలకలం

ఈ వ్యాఖ్యలతో తెలుగు రాష్ట్రాల్లో రాజకీయ దుమారం రేగుతోంది. ఇప్పటికే తెలంగాణలో ఫోన్ ట్యాపింగ్ ఆరోపణలు వివాదాస్పదంగా మారాయి. ఇప్పుడు షర్మిల చేసిన వ్యక్తిగత ఆరోపణలు, జగన్-కేసీఆర్ మీద తీవ్ర విమర్శలు మరింత చర్చకు దారితీసేలా కనిపిస్తున్నాయి.