Volkswagen: ఈ ఆఫర్ పోతే మళ్లీ రాదు.. ఫోక్స్ వ్యాగన్ ఈ కారుపై ఏకంగా రూ.3లక్షల డిస్కౌంట్

Volkswagen: ప్రముఖ కార్ల తయారీ సంస్థ ఫోక్స్‌వ్యాగన్ తమ వివిధ మోడళ్లపై జూలై 2025 నెలలో భారీ డిస్కౌంట్‌లు అందిస్తోంది. ఇందులో భాగంగా కంపెనీ తమ కొత్త ఫోక్స్‌వ్యాగన్ టిగువాన్ ఆర్-లైన్ SUVపై ఏకంగా రూ.3 లక్షల వరకు డిస్కౌంట్ ఇస్తోంది. ఈ డిస్కౌంట్‌లో రూ.2 లక్షల డైరెక్ట్ క్యాష్ డిస్కౌంట్ కూడా ఉంది. ఈ ఆఫర్ గురించి మరింత సమాచారం కోసం.. దగ్గర్లోని డీలర్‌షిప్‌ను సంప్రదించవచ్చు. వోక్స్‌వ్యాగన్ ఈ SUV ఫీచర్లు, పర్ఫార్మెన్స్, ధర గురించి వివరంగా తెలుసుకుందాం.

పర్ఫార్మెన్స్ విషయానికి వస్తే, కొత్త టిగువాన్ ఆర్-లైన్‌లో 2.0 లీటర్ పెట్రోల్ ఇంజిన్ ఉంది. ఇది 204bhp పవర్, 320Nm పీక్ టార్క్ ను ఉత్పత్తి చేయగలదు. ఈ SUVలో 4 మోషన్ ఆల్-వీల్ డ్రైవ్ టెక్నాలజీ ఉంది. ఇది ఎలాంటి రోడ్లపైనైనా అద్భుతమైన పట్టు, స్టెబిలిటీని అందిస్తుంది. ఈ SUV దాని ఆకర్షణీయమైన, బోల్డ్ డిజైన్ కారణంగా కూడా ప్రత్యేకంగా నిలుస్తుంది. దీని డైమెన్షన్స్ చూస్తే, 4539ఎంఎం పొడవు, 1859ఎంఎం వెడల్పు, 1656ఎంఎం ఎత్తు, 2680ఎంఎం వీల్‌బేస్ ఉన్నాయి. కొత్త ఫోక్స్‌వ్యాగన్ టిగువాన్ ఆర్-లైన్‌లో అనేక ప్రత్యేక ఫీచర్లు లభిస్తాయి.

కొత్త టిగువాన్ ఆర్-లైన్ లో స్పోర్టీ R-ఇన్‌స్పైర్డ్ డిజైన్, అడ్వాన్స్‌డ్ సేఫ్టీ ఫీచర్లు, ప్రీమియం ఇంటీరియర్, లేటెస్ట్ టెక్నాలజీ, మెరుగైన పర్ఫార్మెన్స్ కోసం పవర్ ఫుల్ ఇంజిన్, ఆల్-వీల్ డ్రైవ్ సిస్టమ్‌తో కూడిన అద్భుతమైన డ్రైవింగ్ అనుభవం లభిస్తుంది.