Foldable Scooter: సూట్‌కేసా.. స్కూటరా.. హోండా ఫోల్డబుల్ స్కూటర్ మాములుగా లేదు

Foldable Scooter: ఇండియా మొబిలిటీ గ్లోబల్ ఎక్స్‌పో 2025 చివరి రోజుకు చేరుకుంది. గత ఐదు రోజులుగా జరుగుతున్న ఈ ఆటో ఎక్స్ పోలో పలు కంపెనీలు తమ వాహనాలను ప్రజలకు అందించాయి. ఈ వాహనాల సేకరణలో ప్రముఖ స్కూటర్ తయారీ సంస్థ హోండా ఓ స్కూటర్‌ను విడుదల చేసింది. ఇది అందరి దృష్టిని ఆకర్షిస్తోంది. ఈ స్కూటర్ అతి పెద్ద విశేషం ఏమిటంటే ఇది ఫోల్డబుల్ స్కూటర్. దీని గురించి పూర్తి వివరాలు తెలుసుకుందాం.

ఈ స్కూటర్ పేరు మోటోకాంపాక్టో, ఇది ఫోల్డబుల్ ఇ-స్కూటర్. సూట్‌కేస్‌లా కనిపించే ఈ ఇ-స్కూటర్ చాలా ప్రత్యేకమైనది. 2023 సంవత్సరంలో మొదటిసారిగా కంపెనీ దీని సమాచారాన్ని పంచుకుంది.దీన్ని ఇప్పుడు ప్రారంభించబోతుంది. వచ్చే ఏడాది 2026 నాటికి ప్రజలకు అందిస్తామన్నారు. ఫోల్డబుల్ స్కూటర్ అయినందున దీనిలో సులభంగా ప్రయాణించవచ్చు. ఈ స్కూటర్ బరువు 19 కిలోలు మాత్రమే ,అయితే 120 కిలోల బరువును మొయగలిగే సామర్థ్యం దీనికి ఉంది.

ఈ బైక్‌‌పై చిన్న హోండా బ్రాండింగ్ కూడా కనిపిస్తుంది. ఈ స్కూటర్ పొడవు 742 mm, వెడల్పు 94 mm, ఎత్తు 536 mm. మీరు ఈ స్కూటర్‌ని ఎక్కడికైనా తీసుకెళ్లవచ్చు. ఇందులో ఫోల్డబుల్ సీటు, హ్యాండిల్ బార్ కూడా ఉన్నాయి.

హోండా ఈ మోటోకాంపాక్టోలో పర్మినెంట్ మాగ్నెట్ డైరెక్ట్-డ్రైవ్ మోటార్‌ను ఇన్‌స్టాల్ చేశారు. ఇది 490W, 16Nm టార్క్‌ను ఉత్పత్తి చేస్తుంది. ఈ స్కూటర్ రేంజ్ 19.31 కిమీ, గరిష్ట వేగం గంటకు 24.14 కిమీ, దీనిలో 0.7 kWh బ్యాటరీ ప్యాక్‌ ఉంది. ఇది 3 గంటల్లో ఫుల్ ఛార్జ్ అవుతుంది.

2026 సంవత్సరం నుండి భారతదేశంలో అమ్మకానికి సిద్ధం అవుతుంది. ప్రస్తుతం ఈ స్కూటర్ ధరను కంపెనీ వెల్లడించలేదు. అయితే, కంపెనీ దీనిని రూ. 1 లక్షలోపు ప్రారంభించవచ్చని భావిస్తున్నారు. ఈ స్కూటర్‌ను నడపడానికి ఎలాంటి లైసెన్స్ అవసరం లేదు.