Hyundai Ioniq 5 Electric: పీకల్లోతు కష్టాల్లో అయానిక్ ఈవీ.. భారీగా పడిపోయిన అమ్మకాలు..!

Hyundai Ioniq 5 Electric: హ్యుందాయ్ మోటార్ ఇండియా తన క్రెటా ఎలక్ట్రిక్‌ని జనవరి 17న భారత్ మొబిలిటీ గ్లోబల్ ఎక్స్‌పో 2025లో విడుదల చేయబోతోంది. ఈ ఎలక్ట్రిక్ కారుకు EV సెగ్మెంట్‌లో మంచి స్పందన లభిస్తుందని భావిస్తున్నారు. అంతేకాకుండా దాని అమ్మకాలు కూడా మెరుగ్గా ఉంటాయి. వాస్తవానికి, కంపెనీ పోర్ట్‌ఫోలియోలో అయానిక్ 5 మాత్రమే మిగిలి ఉంది. ఈ ఎలక్ట్రిక్ SUV అమ్మకాలు నిరంతరం తగ్గుతూనే ఉన్నాయి. గత నెల అంటే డిసెంబర్ 2024లో కేవలం 24 యూనిట్లు మాత్రమే అమ్ముడయ్యాయి. ఇది గత 6 నెలల్లో అయానిక్ 5 రెండవ బలహీనమైన సెల్. కంపెనీ దీన్ని ఒకే వేరియంట్‌లో విక్రయించింది. దీని ఎక్స్-షోరూమ్ ధర రూ.46.05 లక్షలు. డిసెంబర్‌లో కంపెనీ దానిపై రూ.2 లక్షల తగ్గింపును కూడా ఇస్తోంది.

Hyundai Ioniq 5 Specifications

కారు లోపల ఆర్మ్‌రెస్ట్, సీట్ అప్హోల్స్టరీ, స్టీరింగ్ వీల్‌పై పిక్సెల్ డిజైన్ అందుబాటులో ఉంది. కారు క్రాష్ ప్యాడ్, స్విచ్‌లు, స్టీరింగ్ వీల్, డోర్ ప్యానెళ్లపై బయో పెయింట్ వేసినట్లు కంపెనీ తెలిపింది. దీని HDPIని 100 శాతం రీసైకిల్ చేయవచ్చు. తిరిగి ఉపయోగించుకోవచ్చు.

ఈ ఎలక్ట్రిక్ కారులో ఒక జత 12.3-అంగుళాల స్క్రీన్‌లు అందుబాటులో ఉన్నాయి. ఇందులో ఇన్‌స్ట్రుమెంట్ క్లస్టర్, టచ్‌స్క్రీన్ ఉన్నాయి. కారులో హెడ్‌అప్ డిస్‌ప్లే కూడా అందుబాటులో ఉంది. భద్రత కోసం, కారులో 6 ఎయిర్‌బ్యాగ్‌లు, వర్చువల్ ఇంజిన్ సౌండ్, ఎలక్ట్రిక్ పార్కింగ్ బ్రేక్, నాలుగు డిస్క్ బ్రేక్‌లు, మల్టీ కొలిజన్-ఎవాయిడెన్స్ బ్రేక్, పవర్ చైల్డ్ లాక్ ఉన్నాయి. ఇది లెవెల్ 2 ADASని కూడా కలిగి ఉంది, ఇది 21 భద్రతా ఫీచర్లకు సపోర్ట్ ఇస్తుంది.

ఈ ఎలక్ట్రిక్ కారులో 72.6kWh బ్యాటరీ ప్యాక్ ఉంది. ఇది ఒక్కసారి ఛార్జ్ చేస్తే 631కిమీల ARAI- ధృవీకరించిన రేంజ్ అందిస్తుంది. అయానిక్ 5 వెనుక చక్రాల డ్రైవ్‌ను మాత్రమే పొందుతుంది. దీని ఎలక్ట్రిక్ మోటార్ 217hp పవర్, 350Nm టార్క్‌ను ఉత్పత్తి చేస్తుంది. ఈ కారు 800 వాట్ల సూపర్‌ఫాస్ట్ ఛార్జింగ్‌ను కూడా సపోర్ట్ చేస్తుంది. 18 నిమిషాల ఛార్జింగ్‌లో 10 నుండి 80 శాతం వరకు ఛార్జ్ అవుతుందని కంపెనీ పేర్కొంది.