Jeep Compass Anniversary Edition: కంపాస్ వార్షికోత్సవ ఎడిషన్ రిలీజ్.. స్పెషల్ ఫీచర్లు చూస్తే కళ్లు తిరగాల్సిందే..

Jeep Compass Anniversary Edition: జీప్ ఇండియా కంపాస్ SUV ప్రత్యేక వార్షికోత్సవ ఎడిషన్‌ను విడుదల చేయడం ద్వారా తన 8వ వార్షికోత్సవాన్ని సెలబ్రేట్ చేసుకుంది. ఈ కొత్త ఎడిషన్‌తో, జీప్ కంపాస్ ప్రత్యేక ఉపకరణాలు, ఇంటీరియర్, ఎక్స్‌టీరియర్ డిజైన్‌లో అప్‌గ్రేడ్‌లను పొందింది. జీప్ కంపాస్ యానివర్సరీ ఎడిషన్ వెలుపలి భాగంలో గ్రిల్, బోనెట్‌ను అలంకరించే వెల్వెట్ రెడ్ ఇన్సర్ట్‌లు ఉన్నాయి. ఈ రెడ్ ఇన్‌సర్ట్‌లు SUV స్పోర్టీ రూపాన్ని మరింత మెరుగుపరుస్తాయి. దానికి ఒక ప్రత్యేక గుర్తింపును అందిస్తాయి.

ఈ ప్రత్యేక ఎడిషన్ లోపల రెడ్ కలర్ థీమ్ కూడా కనిపిస్తుంది. ఇందులో సీటు అప్హోల్స్టరీపై ఎరుపు రంగు ఇన్సర్ట్‌లు ఉంటాయి. ఇది కాకుండా, ఇంటిగ్రేటెడ్ డాష్‌క్యామ్, వైట్ యాంబియంట్ లైటింగ్ వంటి కొత్త అంశాలు కూడా ఈ ఎడిషన్‌లో జోడించింది. ఇది ఇంటీరియర్‌ను మరింత ఆకర్షణీయంగా చేస్తుంది.

కస్టమర్‌లు తమ సమీపంలోని జీప్-అధీకృత షోరూమ్ లేదా కంపెనీ వెబ్‌సైట్‌ను సందర్శించడం ద్వారా ఈ ప్రత్యేక ఎడిషన్‌ను బుక్ చేసుకోవచ్చు. ఈ SUV ఇంజిన్‌లో ఎటువంటి మార్పులు లేవు. దీని ధర రూ. 18.99 లక్షల (ఎక్స్-షోరూమ్) నుంచి ప్రారంభమవుతుంది. ఇందులో రూ. 3.15 లక్షల వరకు ప్రయోజనాలు ఉన్నాయి.

ఈ మైలురాయిని పురస్కరించుకుని జీప్ ఇండియా బ్రాండ్ డైరెక్టర్ కుమార్ ప్రియేష్ మాట్లాడుతూ, 'జీప్ కంపాస్ వార్షికోత్సవ ఎడిషన్ మా గొప్ప డిజైన్, బలానికి చిహ్నం. ఈ ప్రత్యేక సంచిక గతానికి సంబంధించిన వేడుక మాత్రమే కాదు, తరువాతి తరం జీప్ ప్రేమికుల ప్రయాణానికి నాంది పలికే ఆహ్వానం కూడా అంటూ చెప్పుకొచ్చింది.