Kia Syros EV : కియా సైరోస్ ఈవీ టెస్టింగ్ షురూ.. టాటా పంచ్, ఎంజీ విండ్సర్లకు చుక్కలే

Kia Syros EV : కియా ఇండియా ఎలక్ట్రిక్ వాహనాల మార్కెట్‌లో తన స్థానాన్ని పటిష్టం చేసుకునేందుకు సిద్ధమవుతోంది. తన కొత్త ఎలక్ట్రిక్ SUV 'సైరోస్ ఈవీ' ని పబ్లిక్ రోడ్స్‌పై టెస్టింగ్ చేయడం ప్రారంభించింది. అంటే, దీని తయారీ దాదాపు పూర్తయింది ఇప్పుడు రోడ్లపై దాని పర్ఫామెన్స్ టెస్ట్ చేస్తున్నారు. కంపెనీ మొదట 'కేరెన్స్ క్లావిస్ ఈవీ' ని లాంచ్ చేస్తుంది, ఆ తర్వాత 'సైరోస్ ఈవీ' ని మార్కెట్‌లోకి తీసుకురావాలని ప్లాన్ చేస్తోంది. ఈ రెండు కార్లు ఈ సంవత్సరం చివరిలోగా విడుదలయ్యే అవకాశం ఉంది.

టెస్టింగ్ సమయంలో కనిపించిన సైరోస్ ఈవీ పూర్తిగా కవర్‌లో ఉంది. కాబట్టి దాని పూర్తి డిజైన్ ఇంకా బయటపడలేదు. ఈ కారు మార్కెట్‌లోకి వచ్చిన తర్వాత, ఇది ఎంజీ విండ్సర్ ఈవీ, టాటా పంచ్ ఈవీ వంటి కార్లకు గట్టి పోటీ ఇవ్వనుంది. సైరోస్ ఈవీ ఎలక్ట్రిక్ వెర్షన్‌లో, బంపర్‌లు, అల్లాయ్ వీల్స్‌లో చిన్నపాటి మార్పులు చేస్తారు, తద్వారా దాని పెట్రోల్ లేదా డీజిల్ వెర్షన్ నుండి వేరుగా గుర్తించవచ్చు. సైరోస్ ఈవీ అంచనా ధర రూ.14 లక్షల నుండి రూ.20 లక్షల వరకు ఉండవచ్చు. ప్రస్తుతం, టాటా పంచ్ ఈవీ ధర సుమారు రూ.10.51 లక్షల నుండి రూ.15.34 లక్షల (ఆన్-రోడ్) మధ్య ఉంది. ఎంజీ విండ్సర్ ఈవీ ధర సుమారు రూ.15.11 లక్షల నుండి రూ.19.21 లక్షల (ఆన్-రోడ్) మధ్య ఉంది. కియా సైరోస్ ఈవీ ఈ ధరల పరిధిలో వస్తే, అది మార్కెట్లో బలమైన పోటీని సృష్టించవచ్చు.

ఫీచర్ల విషయానికి వస్తే, సైరోస్ ఈవీలో దాని పెట్రోల్/డీజిల్ ఇంజిన్ మోడల్‌లో ఉన్న చాలా ఫీచర్లు ఉంటాయి. ఇందులో లెవెల్ 2 ADAS, 360-డిగ్రీ పార్కింగ్ కెమెరా, వైర్‌లెస్ ఛార్జర్, డిజిటల్ ఇన్‌స్ట్రుమెంట్ క్లస్టర్, ఆటోమేటిక్ క్లైమేట్ కంట్రోల్, పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్ వంటివి ఉంటాయి. అంతేకాకుండా, ఈ సెగ్మెంట్‌లో మొదటిసారిగా రిక్లైనింగ్ , స్లైడింగ్, వెంటిలేటెడ్ సెకండ్ రో సీట్లు కూడా అందిస్తారు. ఇది వినియోగదారులకు మరింత సౌకర్యాన్ని అందిస్తుంది.

కియా తన రెండవ ఎలక్ట్రిక్ కారు కేరెన్స్ క్లావిస్ ఈవీని భారతదేశంలో జులై 15, 2025 న లాంచ్ చేయబోతోంది. దక్షిణ కొరియా కంపెనీ అయిన కియాకు భారతదేశంలో ఇది ఒక పెద్ద ముందడుగు అవుతుంది. ఎందుకంటే ఇది భారతదేశంలోనే కియా తయారుచేస్తున్న మొదటి ఎలక్ట్రిక్ కారు అవుతుంది. కియా మొదటి ఎలక్ట్రిక్ MPV కూడా ఇదే. కేరెన్స్ క్లావిస్ ఈవీ ఒకసారి పూర్తి ఛార్జ్ చేస్తే 490 కిలోమీటర్ల వరకు ప్రయాణించగలదు. క్లావిస్ ఈవీలో రెండు బ్యాటరీ వెర్షన్లు లభించవచ్చు. మొదటిది 42 kWh బ్యాటరీ ప్యాక్, ఇది సుమారు 133 bhp పవర్ ఉత్పత్తి చేస్తుంది. రెండవది 51 kWh బ్యాటరీ ప్యాక్, ఇది సుమారు 169 bhp పవర్ ఇస్తుంది. దీని అంచనా ధర రూ.16 లక్షల నుండి రూ.22 లక్షల వరకు ఉండవచ్చు. మొత్తంగా చూస్తే కియా తన ఎలక్ట్రిక్ వాహనాలను భారత మార్కెట్‌లో వేగంగా తీసుకురావడానికి సిద్ధంగా ఉంది.