Kia Syros Vs Maruti Brezza: ఈ రెండు ఎస్‌యూవీలలో ఏది బెస్ట్ గురూ.. కొనేముందు ఓసారి పోల్చుకోండి..!

Kia Syros Vs Maruti Brezza: ఇటీవల కియా సైరోస్ సబ్-4 మీటర్ల కాంపాక్ట్ ఎస్‌యూవీ విభాగంలో అద్భుతమైన ప్రవేశం చేసింది. మార్కెట్లో సిరోస్‌కు మంచి స్పందన లభిస్తోంది. ఇది ఫీచర్-లోడెడ్ ఎస్‌యూవీ. ఇందులో రెండు ఇంజన్ ఆప్షన్‌లను కలిగి ఉండటమే కాకుండా దాని క్యాబిన్‌లో సౌకర్యం కోసం ప్రత్యేక శ్రద్ధ కూడా తీసుకొన్నారు. వెంటిలేటెడ్ సీట్లు కాకుండా, సిరోస్ పనోరమిక్ సన్‌రూఫ్, ఆటోమేటిక్ క్లైమేట్ కంట్రోల్, అనేక ఇతర ఫీచర్లను కూడా ఉన్నాయి. ఇది మారుతి సుజుకి బ్రెజ్జాతో పోటీపడుతుంది. ఇది దాని విభాగంలో ఫేమస్ సబ్-4 మీటర్ల కాంపాక్ట్ ఎస్‌యూవీ. ఇందులో శక్తివంతమైన పెట్రోల్ ఇంజన్‌తో పాటు మంచి ఫీచర్లు, రిఫైన్డ్ ఇంజన్, సౌకర్యవంతమైన సీటింగ్ ఉన్నాయి.

కియా సైరోస్ డిజైన్ బ్రెజ్జా నుండి చాలా భిన్నంగా, ప్రత్యేకంగా ఉంటుంది. సైరోస్‌లో హై బోనెట్ లైన్, డిఆర్‌ఎల్‌లు, ఫ్రంట్ పార్కింగ్ సెన్సార్‌లతో కూడిన నిలువు LED హెడ్‌ల్యాంప్‌లు అందుబాటులో ఉన్నాయి. మారుతి సుజుకి బ్రెజ్జా సాధారణ స్టైలింగ్, డీఆర్ఎల్‌తో LED హెడ్‌ల్యాంప్‌లు, ఫ్రంట్ పార్కింగ్ కెమెరా ఉంది. వీల్ సైజు గురించి చెప్పాలంటే సైరోస్ టాప్-ఎండ్ వేరియంట్‌లో 17-అంగుళాల అల్లాయ్ వీల్స్, బ్రెజ్జాలో 16-అంగుళాల అల్లాయ్ వీల్స్ ఉన్నాయి. సైరోస్ ఫ్లష్ డోర్ హ్యాండిల్స్‌ను అందిస్తుంది. వెనుక వైపున, కియా సైరోస్, మారుతి సుజుకి బ్రెజ్జా రెండూ వెనుక వైపర్ వాషర్‌ను పొందాయి. కియా సైరోస్ బూట్ స్పేస్ 390L, మారుతి సుజుకి బ్రెజ్జా బూట్ స్పేస్ 328L.

కియా సైరోస్‌కు చాలా శక్తివంతమైన ఫీచర్లు అందించారు. ఇందులో డ్యూయల్-కనెక్ట్ చేసిన స్క్రీన్, యాపిల్ కార్‌ప్లే, ఆండ్రాయిడ్ ఆటో కోసం వైర్‌లెస్ కనెక్టివిటీ, ముందు, వెనుక వెంటిలేటెడ్ సీట్లు, పనోరమిక్ సన్‌రూఫ్ ఉంది. భద్రత కోసం లెవల్ , ఆరు ఎయిర్‌బ్యాగ్స్ , యాంటి లాకింగ్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్టిబ్యూషన్ ఉన్నాయి. మారుతి సుజుకి బ్రెజ్జాలో హెడ్-అప్ డిస్‌ప్లే, 360-డిగ్రీ పార్కింగ్ కెమెరా, వైర్‌లెస్ ఛార్జర్, మరిన్ని వంటి కొన్ని శక్తివంతమైన ఫీచర్లు కూడా ఉన్నాయి. భద్రత కోసం ఆరు ఎయిర్‌బ్యాగ్స్, యాంటి లాకింగ్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్టిబ్యూషన్ ఉన్నాయి.

కియా సైరోస్ కొనుగోలుదారులకు 1.0లీటర్ టర్బో పెట్రోల్, 1.5లీటర్ డీజిల్ ఇంజన్ ఎంపిక ఉంది. 1.0L టర్బో పెట్రోల్ ఇంజన్ 120బిహెచ్‌పి 170ఎన్ఎమ్ టార్క్‌ను ఉత్పత్తి చేస్తుంది, 6-స్పీడ్ మాన్యువల్ లేదా 7-స్పీడ్ DCT ట్రాన్స్‌మిషన్‌తో జత చేసి ఉంటుంది. 1.5 లీటర్ డీజిల్ ఇంజన్ 6-స్పీడ్ మ్యాన్యువల్ లేదా ఆటోమేటిక్ ట్రాన్స్‌మిషన్‌తో జత చేసిన 115 బిహెచ్‌పి, 253 ఎన్ఎమ్ టార్క్‌ను ఉత్పత్తి చేస్తుంది. మరోవైపు మారుతి సుజుకి బ్రెజ్జా 1.5 లీటర్ పెట్రోల్ ఇంజన్‌ ఉంది. ఇది 105 బిహెచ్‌పి పవర్, 137 ఎన్ఎమ్ టార్క్ ఉత్పత్తి చేస్తుంది, 5-స్పీడ్ మాన్యువల్ లేదా 6-స్పీడ్ ఆటోమేటిక్ గేర్‌బాక్స్‌తో ఉంటుంది.