Pakistan: పాక్‌కు చావు దెబ్బ..10మంది సైనికులు ఖతం.. తిక్క కుదిరిందా తమ్ముడు!

Pakistan: పాకిస్తాన్‌లోని క్వెట్టాలో ఉన్న మార్గేట్ ప్రాంతంలో జరిగిన శక్తివంతమైన పేలుడులో 10 మంది పాకిస్తాన్ సైనికులు మరణించారు. పాకిస్తాన్ ఆర్మీ వాహనాన్ని లక్ష్యంగా చేసుకుని రిమోట్ కంట్రోల్డ్ IED ఉపయోగించి ఈ పేలుడు జరిగింది. ఈ పేలుడుకు బలూచ్ లిబరేషన్ ఆర్మీ బాధ్యత వహించి, పేలుడు వీడియోను కూడా విడుదల చేసింది. బలూచిస్తాన్ రాజధాని శివార్లలో ఈ పేలుడు సంభవించింది. ఈ దాడిలో 10 మంది పాకిస్తాన్ సైనికులు మరణించారని బలూచ్ ఆర్మీ ప్రకటించింది. ఈ పేలుడు రిమోట్ కంట్రోల్డ్ ఇంప్రూవైజ్డ్ ఎక్స్‌ప్లోజివ్ డివైస్ (IED) ద్వారా జరిగింది. ఇందులో ఆర్మీ వాహనం పూర్తిగా ధ్వంసమైంది.

శుక్రవారం రాత్రి విడుదల చేసిన ఒక ప్రకటనలో, BLA ప్రతినిధి జీనత్ బలోచ్ మాట్లాడుతూ.. దాడిలో లక్ష్యంగా చేసుకున్న వాహనం పూర్తిగా ధ్వంసమైందని అన్నారు. ఈ దాడిలో 10 మంది పాకిస్తాన్ సైనికులు మరణించారు. బలుట్ లిబరేషన్ ఆర్మీ పేలుడు, దాని పర్యవసానాల ఫుటేజ్‌తో కూడిన వీడియోను విడుదల చేసింది.

ఈ ప్రాంతం చాలా కాలంగా బలూచ్ తిరుగుబాటుదారుల కార్యకలాపాలకు కేంద్రంగా ఉంది. ప్రస్తుతానికి, ఈ దాడికి సంబంధించి పాకిస్తాన్ సైన్యం ఎటువంటి అధికారిక ప్రకటన విడుదల చేయలేదు. గత నెల ప్రారంభంలో, క్వెట్టా నుండి టఫ్తాన్ వెళ్తున్న పాకిస్తాన్ ఆర్మీ కాన్వాయ్ పై ఉగ్రవాద దాడి జరిగింది. ఈ దాడిలో ఏడుగురు సైనికులు మరణించగా, 21 మంది గాయపడ్డారు. ఈ దాడికి బలూచ్ లిబరేషన్ ఆర్మీ బాధ్యత వహించి 90 మంది పాకిస్తాన్ సైనికులను హతమార్చింది