Vitamin C deficiency: మన శరీరానికి విటమిన్ సి ఎందుకు అవసరం?రోజుకు ఎంత అవసరం?అసలు నిజం చెప్పిన వైద్యులు

Vitamin C deficiency:మానవ శరీరానికి అవసరమైన విటమిన్లలో విటమిన్ సి చాలా ముఖ్యమైంది. ఆమ్ల ఫలాల్లో కొన్ని రకాల కూరగాయల్లో విటమిన్ సి పుష్కలంగా ఉంటుంది. ఇది గొప్ప యాంటీ ఆక్సిడెంట్ గా పనిచేస్తుంది. అయితే విటమిన్ సి శరీరానికి చాలా కీలకం కాబట్టి రోజువారీ ఆహారంలో తప్పనిసరిగా చేర్చుకోవాలని నిపుణులు చెబుతున్నారు. అసలు విటమిన్ సి శరీరానికి చేసే మేలు ఏంటో తెలుసా. ఇది మనకు ఎన్ని విధాలుగా సహాయపడుతుంది. అసలు శరీరానికి రోజువారీ విటమిన్ సి ఎంత అవసరం. ఫుల్ డీటెయిల్స్ తెలుసుకుందాం.

విటమిన్ సి..ఇది నీటిలో కరిగిపోతుంది. శరీరం దీన్ని నిల్వ చేసుకోదు. శరీరానికి విటమిన్ సి పుష్కలంగా అందించాలంటే రోజూ విటమిన్ సి పుష్కలంగా ఉన్న ఫుడ్స్ ను తీసుకోవాలి. విటమిన్ సి శరీరంలో కొల్లాజెన్, ఎల్ కార్నిటైన్, కొన్ని న్యూరెట్యాన్స్మిటర్లను ఉత్పత్తి చేయడంతోపాటు యాంటీ ఆక్సిడెంట్ గా కూడా పనిచేస్తుంది. ఇది శరీరం నుంచి రియాక్టివ్ ఆక్సిడేటివ్ అని పిలిచే అవాంఛిత పదార్థాలను తొలగిస్తుంది. శరీరం ఐరన్ గ్రహించడంలోనూ సహాయపడుతుంది. ఇమ్యూనిటీని పెంచుతుంది. గాయాలు నయం చేయడంలోనూ సహాయపడుతుంది.

విటమిన్ సి లోపిస్తే వచ్చే సమస్యలు:

దంతాల నుండి రక్తస్రావం:

మీ దంతాలు రక్తస్రావం అయితే విటమిన్ సి లోపం బారినపడినట్లేనని వైద్యులు చెబుతున్నారు.ఈ నేపథ్యంలో మీరు విటమిన్ సి అధికంగా ఉండే ఆహారాన్ని చేర్చండి.

చర్మం,జుట్టు సంబంధిత సమస్యలు:

జుట్టు రాలడం, చర్మంపై ఎర్రటి దద్దుర్లు కనిపిస్తుంటే..శరీరంలో విటమిన్ సి లోపించిందని అర్థం. జుట్టు రాలడాన్ని నివారించడానికి, ఆహారంలో ఐరన్, విటమిన్ ఇ, విటమిన్ బి12 చేర్చండి.

బలహీనమైన రోగనిరోధక శక్తి :

విటమిన్ సి లోపం కారణంగా, రోగనిరోధక శక్తి చాలా బలహీనపడుతుంది. మీ ఆహారంలో విటమిన్ సి అధికంగా ఉండే ఆహారాన్ని తప్పకుండా తీసుకోండి.

రక్తహీనత:

విటమిన్ సి లోపం వల్ల కూడా రక్తహీనతకు గురవుతారు.విటమిన్ సి ఐరన్ శోషణకు అవసరం. దాని లోపం రక్తహీనతకు కారణమవుతుంది.

గాయం మానడంలో ఇబ్బంది:

ఈ విటమిన్ లోపం వల్ల మానడానికి చాలా సమయం పడుతుంది. వాస్తవానికి, విటమిన్ సి కొల్లాజెన్ ఉత్పత్తికి అవసరం. ఇది గాయం మరమ్మత్తులో సహాయపడుతుంది.

సీజనల్ వ్యాధుల ప్రమాదం పెరుగుతుంది :

విటమిన్ సి లోపం వల్ల, సీజనల్ వ్యాధులు నేరుగా మీపై దాడి చేయడం వల్ల రోగనిరోధక శక్తి బలహీనపడుతుంది. ముఖ్యంగా, వారు దగ్గు,వైరల్ ఇన్ఫెక్షన్ ద్వారా సులభంగా ప్రభావితమవుతారు.

మీ ఆహారంలో వీటిని చేర్చండి:

విటమిన్ సి పుష్కలంగా ఉన్న ఆహార వనరులలో సిట్రస్ పండ్లు, స్ట్రాబెర్రీలు, క్యాప్సికం, ఆకు కూరలు ఉన్నాయి. విటమిన్ సి తగినంత మొత్తంలో తీసుకోవడం వల్ల మీ శరీరంలో దాని లోపాన్ని నివారిస్తుంది.