Pumpkin : గుమ్మడికాయ కనిపిస్తే అస్సలు వదలొద్దు.. దాని ప్రయోజనాలు తెలిస్తే షాక్ అవుతారు

Pumpkin : ప్రకృతిలో లభించే ప్రతి పండు, కూరగాయ మన ఆరోగ్యానికి ఎంతో మేలు చేస్తాయి. అయితే గుమ్మడికాయ విషయానికి వస్తే ఇది నిజంగా ఆరోగ్య ప్రయోజనాల గిడ్డంగి లాంటిది. అందుకే ఆయుర్వేదంలో కూడా గుమ్మడికాయను ఔషధంగా ఉపయోగిస్తారు. ఈ అద్భుతమైన కూరగాయలో విటమిన్ A, E, C, ఒమేగా-3 ఫ్యాటీ యాసిడ్స్, మెగ్నీషియం, జింక్, సెలీనియం, ఐరన్, బీటా-కెరోటిన్ వంటి అనేక పోషకాలు పుష్కలంగా ఉన్నాయి. మరి మనం రోజూ తినే ఆహారంలో గుమ్మడికాయను చేర్చుకోవడం వల్ల ఎలాంటి ప్రయోజనాలు కలుగుతాయో, ముఖ్యంగా ఇది ఎవరికి మంచిదో ఇప్పుడు తెలుసుకుందాం.

గుమ్మడికాయలో ఉండే ఫైబర్, ఇతర గుణాలు బరువును అదుపులో ఉంచడానికి సహాయపడతాయి. గుమ్మడికాయలో నార (ఫైబర్) శాతం ఎక్కువగా ఉంటుంది. ఇది శరీర బరువును స్థిరంగా, ఆరోగ్యకరంగా ఉంచుకోవడానికి సహాయపడుతుంది. గుమ్మడికాయ రసం బరువు తగ్గడానికి కూడా తోడ్పడుతుంది. ఇది రక్తంలో షుగర్ లెవల్స్ సాధారణంగా ఉంచడానికి కూడా సహాయపడుతుంది.

గుమ్మడికాయలో ఉండే విటమిన్లు, యాంటీఆక్సిడెంట్లు మన శరీరంలో రక్షణ వ్యవస్థను బలోపేతం చేస్తాయి. కంటి, చర్మ ఆరోగ్యానికి చాలా ముఖ్యమైన విటమిన్ A గుమ్మడికాయలో సమృద్ధిగా ఉంటుంది. అలాగే ఇందులో ఉండే విటమిన్ C మన రోగనిరోధక శక్తిని బాగా పెంచుతుంది. బీటా-కెరోటిన్, విటమిన్ C, విటమిన్ E, ఐరన్, ఫోలేట్‌లు రోగనిరోధక శక్తిని మరింత బలోపేతం చేస్తాయి. కాబట్టి దీన్ని క్రమం తప్పకుండా తీసుకోవడం వల్ల ఇన్ఫెక్షన్ల నుంచి రక్షణ లభిస్తుంది. విటమిన్ C, బీటా-కెరోటిన్ ఆక్సీకరణ ఒత్తిడిని తగ్గిస్తాయి. ఇది కంటి ఆరోగ్యాన్ని మెరుగుపరుస్తుంది.

గుమ్మడికాయ గింజలు నాడీ వ్యవస్థపై సానుకూల ప్రభావాన్ని చూపుతాయి. గుమ్మడికాయ గింజల్లో ట్రిప్టోఫాన్ అనే అమైనో ఆమ్లం ఉంటుంది. ఇది సెరోటోనిన్ అనే రసాయనం ఉత్పత్తికి సహాయపడుతుంది. సెరోటోనిన్ మానసిక ప్రశాంతతను పెంచడంతో పాటు మంచి నాణ్యత గల నిద్ర పొందడానికి కూడా సహాయపడుతుంది. గుమ్మడికాయలో ఉన్న పోషకాలు గుండె, పేగులు, ప్రాస్టేట్ ఆరోగ్యానికి చాలా మంచివి. ఇందులో ఉండే ఫైబర్, పొటాషియం గుండె ఆరోగ్యాన్ని మెరుగుపరుస్తాయి. గుమ్మడికాయలో ఉండే యాంటీఆక్సిడెంట్లు చర్మంలో కొల్లాజెన్ ఉత్పత్తికి సహాయపడతాయి. గుమ్మడికాయ పేగుల ఆరోగ్యాన్ని మెరుగుపరచడంలో అద్భుతంగా పనిచేస్తుంది. అంతేకాకుండా, ఇది మధుమేహాన్ని కూడా నివారించడంలో సహాయపడుతుంది. గుమ్మడికాయ, దాని గింజలను తీసుకోవడం వల్ల ప్రాస్టేట్ ఆరోగ్యం మెరుగుపడుతుంది. ఇది పురుషులలో ఆరోగ్యకరమైన హార్మోన్ల పనితీరు, ప్రాస్టేట్ గ్రంధిని బలోపేతం చేయడానికి సాధారణంగా ఉపయోగపడుతుంది.