Urine in Summer: మూత్రం దుర్వాసన వస్తుందా.. వేసవిలో కామనా లేక తీవ్రమైన వ్యాధి లక్షణమా?

Urine in Summer: వేసవి కాలంలో తరచుగా మూత్రంలో దుర్వాసన వస్తూ ఉంటుంది. ఈ దుర్వాసన ఎందుకు వస్తుంది? ఇది ఏదైనా వ్యాధి లక్షణమా లేక మరేదైనా కారణమా? మూత్రంలో దుర్వాసన రావడం కొన్నిసార్లు సాధారణం కావచ్చు, మరికొన్నిసార్లు తీవ్రమైన వ్యాధికి సంకేతం కావచ్చు. వేసవిలో సాధారణంగా డిహైడ్రేషన్ కారణంగా మూత్రం నుండి వాసన రావడం మొదలవుతుంది. దీనితో పాటు, కొన్ని ఆహార పదార్థాలను ఎక్కువగా తీసుకోవడం వల్ల కూడా మూత్రం నుంచి దుర్వాసన వస్తుంది. కొన్ని మందుల వాడకం కూడా దీనికి కారణం కావచ్చు. అయితే, మూత్రం నుంచి వాసన రావడానికి ఎల్లప్పుడూ ఈ కారణాలే ఉండవు. కొన్నిసార్లు ఇది ఒక వ్యాధి లక్షణం కూడా కావచ్చు. తరచుగా దీని వెనుక కొన్ని సాధారణ వ్యాధులు ఉంటాయి. కానీ కొన్నిసార్లు తీవ్రమైన వ్యాధుల వల్ల కూడా ఇలా జరుగుతుంది.

మూత్రంలో దుర్వాసన వచ్చే సమస్య తరచుగా వేసవిలో కనిపిస్తుందని తెలిపారు. డిహైడ్రేషన్ వల్ల మూత్రం నుండి వాసన వస్తుంది. అయితే ఇది కొద్దిసేపు మాత్రమే ఉంటుంది. ఒకవేళ మూత్రం నుండి నిరంతరం దుర్వాసన వస్తున్నట్లయితే, అది ఏదైనా వ్యాధి లక్షణం కావచ్చు. మూత్రం నుండి నిరంతరం దుర్వాసన రావడానికి డయాబెటిస్, యూరినరీ ట్రాక్ట్ ఇన్ఫెక్షన్ (UTI), కిడ్నీ సంబంధిత వ్యాధులు కారణం కావచ్చు. మూత్రంలో దుర్వాసన నిరంతరం కొనసాగితే, వెంటనే వైద్యుడిని సంప్రదించాలి.

మూత్రంలో దుర్వాసన వస్తున్నప్పుడు కొన్ని ఇతర లక్షణాలు కూడా కనిపిస్తాయి. వీటిలో దుర్వాసనతో పాటు మూత్రంలో నురగరావడం, అమోనియా వంటి వాసన రావడం, మూత్రవిసర్జన చేసేటప్పుడు నొప్పి, జ్వరం వంటివి ఉంటాయి. ఈ లక్షణాలు కూడా కనిపిస్తే, వెంటనే వైద్యుడిని సంప్రదించాలి. ఇవి UTI, కిడ్నీ వ్యాధి లక్షణాలు కావచ్చు. ఇలాంటి లక్షణాలు కనిపిస్తే అస్సలు నిర్లక్ష్యం చేయకూడదు. ఈ విషయంలో వెంటనే వైద్యుల సలహా తీసుకోవాలి.

మూత్రంలో దుర్వాసన సమస్యను తేలికగా తీసుకోకూడదు. ఒకవేళ ఇది యూరిన్ ఇన్ఫెక్షన్ వల్ల అయితే ముందుముందు ఈ ఇన్ఫెక్షన్ మూత్రపిండాలకు కూడా వ్యాపించే ప్రమాదం ఉంది. ఇది చాలా ప్రమాదకరంగా మారవచ్చు. అటువంటి పరిస్థితుల్లో, దీనికి చికిత్స చేయించుకోవడం చాలా అవసరం. కాబట్టి, మూత్రంలో దుర్వాసన నిరంతరం ఉంటే, మీ ఆరోగ్యం పట్ల అప్రమత్తంగా ఉండండి. వెంటనే డాక్టర్లను సంప్రదించండి.