Lifestyle: గ్యాస్‌తో కడుపుబ్బరంగా ఉంటుందా.? ఇలా చేస్తే వెంటనే రిలీఫ్‌

Gas and Bloating: మారిన జీవన విధానం, తీసుకుంటున్న ఆహారంలో మార్పులు, శారీరక శ్రమ తగ్గడం కారణం ఏదైనా.. గ్యాస్‌ సమస్యతో బాధపడుతున్న వారి సంఖ్య పెరుగుతోంది. కూల్‌ డ్రింక్స్‌ తాగడం, వేయించిన ఫుడ్‌ను ఎక్కువగా తీసుకోవడం వల్ల అజీర్తి, గ్యాస్‌ సమస్యలు పెరుగుతున్నాయి. దీంతో తీవ్రమైన కడుపు నొప్పితో బాధపడుతున్నారు. అయితే గ్యాస్‌ సమస్యకు కొన్ని వంటింట్లో చిట్కాలతో చెక్‌ పెట్టొచ్చని నిపుణులు చెబుతున్నారు. ఇంతకీ ఆ చిట్కాలు ఏంటో ఇప్పుడు తెలుసుకుందాం..

* గ్యాస్ సమస్యలకు సెలెరీ చాలా ప్రయోజనకరంగా ఉంటుంది. సెలెరీ నీటిని తయారు చేయడానికి, ఒక టీస్పూన్ సెలెరీని ఒక గ్లాసు నీటిలో మరిగించాలి. ఆ తర్వాత చల్లార్చిన తర్వాత నీటిని తాగితే గ్యాస్‌ సస్య నుంచి బయటపడొచ్చు.

* నిమ్మకాయలో సిట్రిక్ యాసిడ్ ఉంటుంది, ఇది జీర్ణవ్యవస్థను బలపరుస్తుంది. అలాగే గ్యాస్ సమస్యలను తగ్గిస్తుంది. అయితే కూల్‌ వాటర్‌ కాకుండా నార్మల్‌ వాటర్‌తో నిమ్మరసం చేసుకోవం మంచిది. అలాగే ఉప్పు, చక్కెర తక్కువగా వేసుకోవాలి.

* పెరుగు తినడం వల్ల గ్యాస్ సమస్య నుండి చాలా ఉపశమనం లభిస్తుంది. పెరుగులో ప్రోబయోటిక్స్ ఉంటాయి, ఇవి జీర్ణవ్యవస్థను బలోపేతం చేస్తాయి. గ్యాస్ సమస్యలను తగ్గిస్తాయి. వేసవిలో పెరుగు తినడం వల్ల చాలా ఉపశమనం లభిస్తుంది.

* అల్లంలో జింజెరాల్ అనే మూలకం ఉంటుంది, ఇది జీర్ణవ్యవస్థను బలోపేతం చేస్తుంది. గ్యాస్ సమస్యల నుంచి ఉపశమనం కలిగిస్తుంది. మీకు గ్యాస్ సమస్య ఉంటే చిన్న అల్లం ముక్క తినండి చాలు వెంటనే రిజల్ట్‌ ఉంటుంది.

* గ్యాస్ సమస్య ఉన్నట్లయితే, పుదీనా తినడం వల్ల కడుపుకు చాలా ఉపశమనం లభిస్తుంది . దీని కోసం, మీరు పుదీనా టీ తాగవచ్చు పుదీనాలో మెంథాల్ అనే మూలకం ఉంటుంది, ఇది జీర్ణవ్యవస్థను బలపరుస్తుంది. అలాగే గ్యాస్‌ సమస్యను దూరం చేస్తుంది.

* గ్యాస్ తో బాధపడుతుంటే సోంపు మీకు చాలా ప్రయోజనకరంగా ఉంటుంది. మీరు ఒక గ్లాసు నీటిలో ఒక చెంచా సోంపును మరిగించి తాగితే లాభాలు ఉంటాయి.

* ఇంగువ కూడా గ్యాస్‌ నుంచి ఉపశమనం కల్పించడంలో కీలక పాత్ర పోషిస్తుంది. ఇంగువలో ఉండే ఆస్ప్రిన్ అనే మూలకం జీర్ణవ్యవస్థకు చాలా ప్రయోజనకరంగా ఉంటుంది. ఇంగువను వేడి నీటిలో కలిపి లేదా ఆహారంలో కలిపి తినవచ్చు.

నోట్‌: ఈ వివరాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటిచడమే ఉత్తమం.