Liver Swelling: హెపటైటిస్ అంటే ఏమిటి? కాలేయానికి వాపు వస్తే ఏం చేయాలి?

Liver Swelling : కాలేయం మానవ శరీరంలోని ముఖ్యమైన అవయవాలలో ఒకటి. ఇది రక్తం నుంచి విష పదార్థాలను ఫిల్టర్ చేయడంతో పాటు అనేక ఇతర ముఖ్యమైన పనులను కూడా చేస్తుంది. కాలేయంలో ఏదైనా సమస్య వస్తే దాని ప్రభావం శరీరం మొత్తం కనిపిస్తుంది. మారుతున్న జీవనశైలి, ఆహారపు అలవాట్ల కారణంగా కాలేయం కొవ్వు పట్టడం, కాలేయానికి వాపు రావడం ప్రస్తుతం సాధారణ సమస్యగా మారింది. అయితే దీనికి వెంటనే చికిత్స అవసరం. నిర్లక్ష్యం చేస్తే పరిస్థితి తీవ్రంగా మారవచ్చు.

కాలేయానికి వాపు రావడానికి అనేక కారణాలు ఉండవచ్చు. దీని లక్షణాలు కూడా వెంటనే కనిపించడం ప్రారంభిస్తాయి. అయితే ప్రారంభంలో ఈ లక్షణాలు తేలికగా ఉంటాయి. దీని కారణంగా వాటిని నిర్లక్ష్యం చేస్తారు. సమస్య పెరిగిన తర్వాత రోగి చికిత్స కోసం ప్రయత్నించడం ప్రారంభిస్తాడు. కాలేయానికి వాపును వైద్య పరిభాషలో హెపటైటిస్ అంటారు. దీనికి సకాలంలో చికిత్స చేయకపోతే ఈ సమస్య తీవ్రమవుతుంది. కాలేయానికి వాపు రావడం వల్ల గుండె జబ్బులు, కాలేయ క్యాన్సర్ కూడా వచ్చే ప్రమాదం ఉంది.

వాపు ఎందుకు వస్తుంది, లక్షణాలు

కాలేయానికి వాపు రావడానికి అనేక కారణాలు ఉన్నాయి. వాటిలో అధికంగా మద్యం సేవించడం, వైరల్ ఇన్ఫెక్షన్, ఫ్యాటీ లివర్, ఆటో ఇమ్యూన్ డిజార్డర్స్, విష పదార్థాలు, మందులు ప్రధాన కారణాలలో ఉన్నాయి. దీని ప్రారంభ లక్షణాలలో అలసట, ఆకలిలో మార్పులు, వికారం, కడుపు పైభాగంలో నొప్పి ఉన్నాయి. అయితే ప్రారంభంలో ఈ లక్షణాలు తేలికగా ఉంటాయి. దీని కారణంగా రోగి లక్షణాలను నిర్లక్ష్యం చేస్తారు. దీనివల్ల సమస్య తీవ్రమవుతుంది. చికిత్సకు ఎక్కువ సమయం, ఖర్చు కూడా అవుతుంది.

ఏం చేయాలి

పైన చెప్పిన లక్షణాలలో ఒకటి లేదా అంతకంటే ఎక్కువ లక్షణాలు కనిపిస్తే వెంటనే వైద్యుడిని సంప్రదించాలి. మీ దినచర్య, ఆహారంలో మార్పులు చేసుకోవాలి. మద్యానికి దూరంగా ఉండాలి. సమతుల్య ఆహారం తీసుకోవాలి. క్రమం తప్పకుండా వ్యాయామం చేయాలి. అధిక బరువును తగ్గించుకోవాలి.హెపటైటిస్ టీకాలు వేయించుకోవాలి. కాలేయానికి వాపు చికిత్స కోసం వైద్యుల సలహా లేకుండా ఎలాంటి మందులు లేదా సప్లిమెంట్స్ తీసుకోవాలి.. లక్షణాలు తీవ్రంగా ఉంటే వెంటనే వైద్యుడిని కలిసి చికిత్స ప్రారంభించాలి.