అతడు రీ రిలీజ్‌కు సెన్సేషన్‌: ఐదు రోజుల్లో కోటికి పైగా కలెక్షన్స్ – హౌస్‌ఫుల్ బోర్డులు వేయించిన మహేశ్ బాబు సినిమా!

అతడు రీ రిలీజ్‌కు సెన్సేషన్‌: ఐదు రోజుల్లో కోటికి పైగా కలెక్షన్స్ – హౌస్‌ఫుల్ బోర్డులు వేయించిన మహేశ్ బాబు సినిమా!
x

Athadu Re-Release Creates Sensation: Mahesh Babu Film Crosses ₹1 Crore in 5 Days with Housefull Shows

Highlights

సూపర్ స్టార్ మహేశ్ బాబు నటించిన 'అతడు' 4కే వెర్షన్ రీ రిలీజ్‌కు ముందు నుంచే రికార్డులు తిరగరాస్తోంది. మహేశ్ బాబు పుట్టినరోజు సందర్భంగా ఆగస్ట్ 9న విడుదల కాబోతున్న ఈ సినిమా, అడ్వాన్స్ బుకింగ్స్‌లో కోటికి పైగా కలెక్షన్స్ సాధించి, రెండు థియేటర్లలో హౌస్‌ఫుల్ అయ్యింది.

టాలీవుడ్ రీ-రిలీజ్ ట్రెండ్‌ను ఓ కొత్త ఎత్తుకు తీసుకెళ్తూ సూపర్ స్టార్ మహేశ్ బాబు నటించిన "అతడు" (Athadu) సినిమా మరోసారి బాక్సాఫీస్‌ వద్ద సందడి చేస్తోంది. ఈ మూవీ రీ రిలీజ్‌కు ఇంకా ఐదు రోజులు మిగిలి ఉండగానే, అడ్వాన్స్ బుకింగ్స్‌లో కోటికి పైగా కలెక్షన్స్ సాధించి కొత్త రికార్డును నెలకొల్పింది.

మహేశ్ బాబు బర్త్ డే స్పెషల్‌గా అతడు రీ రిలీజ్

మహేశ్ బాబు కెరీర్‌లో మైలురాయిగా నిలిచిన ఈ యాక్షన్ ఎంటర్‌టైనర్‌ 2005లో ఆగస్ట్ 10న విడుదలై సంచలన విజయాన్ని సాధించింది. ఇప్పుడు మహేశ్ బాబు పుట్టినరోజు (ఆగస్ట్ 9) సందర్భంగా 4K వెర్షన్‌లో తిరిగి థియేటర్లకు రానుంది.

అడ్వాన్స్ బుకింగ్స్ హవా – థియేటర్లలో హౌస్‌ఫుల్

అతడు రీ రిలీజ్‌ కోసం అభిమానులు ఎగబడి అడ్వాన్స్ బుకింగ్స్‌ను హౌస్‌ఫుల్ చేశారు. ముఖ్యంగా:

  1. హైదరాబాద్ సుదర్శన్ 35mm
  2. హైదరాబాద్ దేవి థియేటర్

ఈ రెండు థియేటర్లలో పూర్తిగా హౌస్ ఫుల్ బోర్డులు పట్టేశారు.

అంతేకాకుండా ఓవర్సీస్‌ మార్కెట్‌లోనూ భారీగా అడ్వాన్స్ బుకింగ్స్ జరుగుతున్నాయి. ఇప్పటి వరకు ₹1 కోటి గ్రాస్ కలెక్షన్ రాబట్టినట్టు సమాచారం.

టాలీవుడ్‌లో మొదటిసారి – రీ రిలీజ్‌కు ముందే ₹1 కోటి మార్క్

ఒక రీ రిలీజ్ సినిమా అడ్వాన్స్ బుకింగ్స్ ద్వారా ₹1 కోటి మార్క్‌ను అధిగమించడం మొదటి సారి. ఇది మహేశ్ బాబు క్రేజ్‌కు నిదర్శనం. ఇప్పటికే ఖలేజా, మురారి, బిజినెస్ మ్యాన్, పోకిరి లాంటి చిత్రాలు రీ రిలీజ్‌లో మంచి కలెక్షన్లు సాధించాయి కానీ, అడ్వాన్స్ బుకింగ్స్ దశలోనే అతడు ఈ స్థాయిలో కలెక్షన్ సాధించడమొచ్చి అదెవో సెన్సేషన్‌గా మారింది.

రెండు కోణాల్లో దూసుకెళ్తున్న "అతడు": బుకింగ్స్‌, రైట్స్

పక్కా వ్యాపార దృష్టితో మేకర్స్‌ ముందడుగు వేశారు. అతడు రీ రిలీజ్ థియేట్రికల్ రైట్స్ ఏకంగా ₹3 కోట్లకు పైగా అమ్ముడయ్యాయి. ఇదివరకే:

  1. ఖలేజా – ₹10 కోట్లు
  2. మురారి – ₹8 కోట్లు
  3. బిజినెస్ మ్యాన్ – ₹5 కోట్లు

అలాంటి పరిస్థితుల్లో అతడు ఎంత వసూలు చేస్తుందనేది టాలీవుడ్ లో ఆసక్తికర అంశంగా మారింది.

Show Full Article
Print Article
Next Story
More Stories