Hassini Sudhir: అమ్ములుగా మీ గుండెల్లో ఉండిపోతా..
![](/images/authorplaceholder.jpg?type=1&v=2)
![Purushothamudu Heroine Hassini Sudhir Shares Working Experience and her Tollywood Purushothamudu Heroine Hassini Sudhir Shares Working Experience and her Tollywood](https://assets.hmtvlive.com/h-upload/2024/07/25/378134-hassini-sudhir.webp)
Hassini Sudhir: అమ్ములుగా మీ గుండెల్లో ఉండిపోతా...
Hassini Sudhir: రాజ్ తరుణ్ హీరోగా నటించిన కొత్త సినిమా పురుషోత్తముడు.
Hassini Sudhir: రాజ్ తరుణ్ హీరోగా నటించిన కొత్త సినిమా పురుషోత్తముడు. ఈ చిత్రాన్ని శ్రీ శ్రీదేవి ప్రొడక్షన్స్ బ్యానర్పై డా.రమేశ్ తేజావత్, ప్రకాశ్ తేజావత్ నిర్మించారు. ఈ చిత్రంతోనే హాసిని సుధీర్ హీరోయిన్గా పరిచయమవుతున్నారు. ఆకతాయి, హమ్ తుమ్ చిత్రాలతో దర్శకుడిగా పేరు తెచ్చుకున్న రామ్ భీమన ఈ పురుషోత్తముడును తెరకెక్కించారు. ప్రకాశ్ రాజ్, మురళి శర్మ, రమ్య కృష్ణ, బ్రహ్మానందం, ముకేశ్ ఖన్నా వంటి స్టార్ కాస్టింగ్తో రూపొందిన ఈ సినిమా ఈ నెల 26న థియేట్రికల్ రిలీజ్ కానుంది.
ఈ సందర్భంగా తాజాగా జరిగిన ప్రెస్ మీట్లో పురుషోత్తముడు చిత్ర విశేషాలు తెలిపారు హీరోయిన్ హాసినీ సుధీర్. అలాగే తన బ్యాక్గ్రౌండ్ డీటెయిల్స్ను తెలిపారు. తను మహారాష్ట్ర అమ్మాయి అని హీరోయిన్ కావాలనేది తన చిన్నప్పటి కల అని తెలిపింది. ముంబైలో మోడలింగ్ చేసి తెలుగు సినిమాలు బాగా చూస్తూ పెరిగాను అలా తెలుగు నేర్చుకున్నాను అని తెలిపింది. నాని తన ఫేవరేట్ యాక్టర్ అని చెప్పింది.
డైరెక్టర్ రామ్ భీమన పురుషోత్తముడు సినిమా ఆడిషన్కు పిలిచారు. ఆడిషన్ తర్వాత నన్ను సెలెక్ట్ చేశారు. ఈ సినిమాలో సెలెక్ట్ అయ్యాక ఏడాది పాటు వర్క్ షాప్ లో పాల్గొన్నాను. పురుషోత్తముడు సినిమాలో నేను అమ్ములు అనే క్యారెక్టర్ చేశాను అంతా అమ్ము అని పిలుస్తారు. ఈ క్యారెక్టర్ లో నటించడాన్ని ఎంజాయ్ చేశాను. నాకు తెలుగు మాట్లాడటం వచ్చినా చదవడం రాదు. రాజమండ్రి షెడ్యూల్ కోసం వెళ్లి ఫస్ట్ డే షూట్ లో పాల్గొన్పప్పుడు ఇబ్బంది పడ్డాను ఈ సినిమాలో అంతా సీనియర్స్ కాబట్టి సపోర్ట్ చేశారు.
రాజ్ తరుణ్ తో కలిసి నటించడం హ్యాపీగా ఉంది. సెట్స్ లో తన సపోర్ట్ అందించేవారు. మా డైరెక్టర్ రామ్ భీమనకి థ్యాంక్స్ చెబుతున్నా. మా ప్రొడ్యూసర్స్ మమ్మల్ని అందరినీ ఒక ఫ్యామిలీ మెంబర్స్ లా చూసుకున్నారు. నా మొదటి చిత్రంలోనే చాలా మంది పెద్ద ఆర్టిస్టులతో కలిసి పనిచేయడం అదృష్టంగా భావిస్తున్నా. ప్రకాష్ రాజ్, రమ్యకృష్ణ లాంటి స్టార్స్ కళ్లతోనే నటిస్తారు. పురుషోత్తముడు సినిమా కంప్లీట్ ఫ్యామిలీ ఎంటర్ టైనర్ అని, మీరంతా కుటుంబతో వెళ్లి చూడాలని చెప్పింది. ఈ సినిమాను ఒక ఆడియెన్ గా చూసినప్పుడు హోల్ సమ్ ఫ్యామిలీ ఎంటర్ టైనర్ అనే ఫీల్ కలుగుతుందని తెలిపింది.
తెలుగు సినిమాల్లో తెలుగు హీరోయిన్స్ తక్కువ మంది ఉన్నారు. తెలుగమ్మాయిని కాకున్నా తెలుగు మాట్లాడుతున్నందువల్ల నన్ను ఇక్కడి అమ్మాయిలాగే చూస్తున్నారు. తెలుగు సినిమాల్లో హీరోయిన్స్ ను అందంగా చూపిస్తారు. అందుకే నాకు తెలుగు సినిమాలంటే ఇష్టం. లవ్ స్టోరీస్ తో పాటు యాక్షన్ మూవీస్ కూడా చేయాలని ఉంది. ప్రస్తుతం కొన్ని సినిమాల ఆఫర్స్ వస్తున్నాయి. మీ అందరి సపోర్ట్ నాకూ, మా పురుషోత్తముడు సినిమాకు అందిస్తారని ఆశిస్తున్నాను అని హాసిని చెప్పుకొచ్చింది.
![](/images/logo.png)
About
![footer-logo](/images/logo.png)
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire