Actress: ఈ అందాల హీరోయిన్‌ ఎవరో గుర్తుపట్టారా.? కుర్రాళ్ల కలల రాణి..

Actress: పెద్ద బ్లాక్‌ బస్టర్‌ సినిమాల్లో నటించిన హీరోయిన్లు అయినా సరే వారి హవా కొంత కాలమే ఉంటుంది. హీరోలతో పోల్చితే హీరోయిన్లు ఇండస్ట్రీలో ఎక్కువ రోజులు రానించిన సందర్భాలు ఉండవని ప్రత్యేకంగా చెప్పాల్సిన పనిలేదు. అలా సినిమా ఇండస్ట్రీని ఏలిన నటీమణులు ప్రస్తుతం ఎంతో మంది తెరమరుగయ్యారు.

పైన ఫొటోలో కనిపిస్తున్న హీరోయిన్ కూడా అదే జాబితాలోకి వస్తుంది. రెండో సినిమాతోనే భారీ విజయాన్ని అందుకున్న ఈ బ్యూటీ అప్పట్లో కుర్రాల కలల రాణిగా పేరు సంపాదించుకుంది. రాజమౌళి దర్శకత్వంలో నటించి మెప్పించింది. ఇక జూనియర్‌ ఎన్టీఆర్‌తో రెండు సినిమాల్లో నటించింది. ఇంతకీ ఈ బ్యూటీ ఎవరో ఈపాటికే మీకు ఓ ఐడియా వచ్చే ఉంటుంది కదూ!

అవును మీ గెస్‌ కరెక్టే ఈ ఫొటో కనిపిస్తుంది మరెవరో కాదు అందాల తార గజాలా.. 2001లో వచ్చి 'నాలో ఉన్న ప్రేమ' సినిమాతో వెండి తెరకు పరిచయమైన ఈ చిన్నది రెండో చిత్రం స్టూడెంట్‌ నెంబర్‌ 1తో మంచి విజయాన్ని తన ఖాతాలో వేసుకుంది. అనతి కాలంలోనే మంచి నటిగా పేరు సంపాదించుకుని వరుస విజయాలను అందుకుంది. ఆ తర్వాత ఉదయ్‌ కిరణ్‌, తరుణ్‌ వంటి యంగ్‌ హీరోల సరసన ఆడిపాడిందీ బ్యూటీ.

తెలుగుతో పాటు తమిళంలోనూ పలు చిత్రాల్లో నటించే అవకాశం సంపాదించుకుంది. అయితే ఆ తర్వాత గజాల క్రమంగా సినిమాలకు దూరమవుతూ వచ్చింది. తెలుగులో చివరిగా 2011లో వచ్చిన 'మనీ మనీ మోర్‌ మనీ' తర్వాత మళ్లీ కనిపించలేదు. ప్రస్తుతం సినిమాలకు పూర్తిగా దూరంగా ఉంటూ వస్తోంది. 2016లో ప్రముఖ దర్శకుడు ఫైజల్‌ రజా ఖాన్‌ అనే వ్యక్తిని గజాలా వివాహం చేసుకుంది.

అయితే 2022లో గజాలా నిద్ర మాత్రలు తీసుకొని అందరినీ షాక్‌కి గురి చేసింది. గజాలా ఆత్మహత్యాయత్నం చేసుకోవడం అందరినీ ఆందోళనకు గురిచేసింది. అయితే కుటుంబ సభ్యులు సమయానికి ఆసుపత్రికి తీసుకెళ్లడంతో ఆమె ప్రాణాలతో బయటపడింది. అయితే ఆమె ఆత్మహత్యకు కారణం ఏంటన్నది తెలియలేదు. కాగా.. ప్రస్తుతం గజాలా లైఫ్‌ను హ్యాపీగా లీడ్‌ చేస్తోంది. ఓ ప్రొడక్షన్‌ కంపెనీ నడుపుతోంది. అయితే సినిమాల్లో నటించకపోయినా సోషల్‌ మీడియా ద్వారా నిత్యం యాక్టివ్‌గా ఉంటోంది. తన లేటెస్ట్ అప్‌డేట్స్‌ను ఎప్పటికప్పుడు అభిమాలనుతో షేర్‌ చేసుకుంటోంది. ఈ నేపథ్యంలోనే తాజాగా పోస్ట్‌ చేసిన ఫొటోలు నెట్టింట వైరల్‌ అవుతున్నాయి.