Train Ticket: దేశంలో ఎక్కడికైనా.. ఈ టికెట్‌తో 56 రోజులపాటు జర్నీ చేయోచ్చు.. ధరెంతంటే?

Circular Train Ticket: భారతదేశంలో ప్రతిరోజూ కోట్ల మంది ప్రజలు రైలులో ప్రయాణిస్తున్నారు. ఈ ప్రయాణికుల కోసం భారతీయ రైల్వే వేలాది రైళ్లను నడుపుతోంది. భారతీయ రైల్వేలు ప్రపంచంలో నాల్గవ అతిపెద్ద రైల్వే వ్యవస్థ. దీనిని భారతదేశం లైఫ్ లైన్ అని కూడా పిలుస్తారు. ప్రజలు ప్రయాణించడానికి లేదా ఎక్కడికైనా వెళ్లాలని ప్లాన్ చేస్తే.. ముందుగా టిక్కెట్‌ను బుక్ చేసుకోవాల్సి ఉంటుంది.

ఎందుకంటే జర్నీ డేట్ దగ్గర పడుతున్నప్పుడు కన్ఫర్మ్‌ అయిన టికెట్‌ దొరకడం కష్టం. చాలా సార్లు ప్రజలు రిటన్ టిక్కెట్ కూడా బుక్ చేసుకుంటారు. అయితే రైల్వేలో కూడా ఓ స్పెషల్ టిక్కెట్ ఉందని మీకు తెలుసా. దీన్ని బుక్ చేసుకున్న తర్వాత, మీరు వరుసగా 56 రోజుల పాటు రైలులో ప్రయాణించవచ్చు. ఈ టిక్కెట్టును సర్కులర్ టిక్కెట్ అంటారు. దీని ప్రత్యేకత ఏమిటి? ఇది ఎలా బుక్ చేసుకోవాలి, ఎలా ఉపయోగించుకోవాలో ఇప్పుడు తెలుసుకుందాం..

మీరు 8 స్టేషన్‌లలోనే ఆగొచ్చు....

సర్క్యులర్ టిక్కెట్ ఒక ప్రత్యేక రకం టిక్కెట్. ఈ టిక్కెట్‌పై మీరు 56 రోజుల పాటు భారతీయ రైల్వేలో ప్రయాణించవచ్చు. అయితే ఈ టికెట్‌పై ప్రయాణించేందుకు కొన్ని నిబంధనలు కూడా రూపొందించారు. ఈ టికెట్‌తో మీరు కేవలం ఎనిమిది స్టేషన్లలో మాత్రమే దిగవచ్చు. అంటే, మీరు మీ ప్రయాణాన్ని ఏదైనా స్టేషన్ నుంచి ఎనిమిది స్టేషన్లలో మాత్రమే దిగడానికి అనుమతి ఉంటుంది. చివరకు తిరిగి అదే స్టేషన్‌కు రావాల్సి వచ్చింది.

అయితే, మధ్యలో కొన్ని రోజులు తిరుగుతూ తిరిగి మీ ప్రయాణాన్ని కొనసాగించవచ్చు. ఉదాహరణకు, మీరు ఆగ్రా, గ్వాలియర్, ఝాన్సీ, భోపాల్‌లకు సర్క్యులర్ టిక్కెట్ తీసుకొని ఢిల్లీ నుంచి మీ ప్రయాణాన్ని ప్రారంభించారు అనుకుందాం.. కాబట్టి మీరు ఢిల్లీ నుంచి ఆగ్రాకి దిగి కొన్ని రోజులు తిరుగుతూ మీ ప్రయాణాన్ని మరలా ప్రారంభించవచ్చు.

సర్క్యులర్ టికెట్ బుక్ చేసుకోవడం ఎలా?

సర్క్యులర్ టిక్కెట్లను బుక్ చేసుకోవడానికి, మీరు రైల్వే డివిజన్ బిజినెస్ మేనేజర్‌ను కలవాలి. వారు మీ రైలు ప్రయాణాన్ని దృష్టిలో ఉంచుకుని టిక్కెట్ ధరను నిర్ణయించి, దాని గురించి స్టేషన్ మేనేజర్‌కి తెలియజేస్తారు. అప్పుడు మీరు మీ ప్రయాణాన్ని ప్రారంభించే స్టేషన్‌ను నిర్ధారించుకోవచ్చు.

అక్కడి నుంచి సర్క్యులర్ టికెట్ తీసుకోవాలి. ఈలోపు మీరు విశ్రాంతి తీసుకోవాల్సిన స్టేషన్ల గురించి కూడా మీరు చెప్పాల్సి ఉంటుంది. టిక్కెట్ ధర గురించి మాట్లాడితే, అది ఎన్ని రోజులు ప్రయాణం ఉంటుంది, అలాగే, ప్రయాణాల మధ్య ఎన్ని రోజుల గ్యాప్ ఉంటుంది అనే వాటిపై ఆధారపడి ఉంటుంది.