Delhi Election Results 2025: బీజేపీ గెలుపునకు కాంగ్రెస్ ఎలా కారణమైంది?

Highlights

దిల్లీ అసెంబ్లీ ఎన్నికల్లో కాంగ్రెస్, ఆమ్ ఆద్మీ పార్టీలు విడి విడిగా పోటీ చేయడం పరోక్షంగా బీజేపీకి కలిసి వచ్చింది.

దిల్లీ అసెంబ్లీ ఎన్నికల్లో కాంగ్రెస్, ఆమ్ ఆద్మీ పార్టీలు విడి విడిగా పోటీ చేయడం పరోక్షంగా బీజేపీకి కలిసి వచ్చింది. చాలా స్థానాల్లో ఆప్ అభ్యర్థులు వెయ్యి నుంచి రెండు వేలలోపు ఓట్లతో ఓడిన స్థానాలు కూడా ఉన్నాయి. కాంగ్రెస్ పార్టీకి ఈసారి 6 శాతానికి పైగా ఓట్లు వచ్చాయి. ఇది పరోక్షంగా బీజేపీ గెలుపునకు కలిసి వచ్చింది.

ఇండియా కూటమిలోనే కాంగ్రెస్, ఆప్‌ ఉన్నాయి. దిల్లీ అసెంబ్లీ ఎన్నికల్లో మాత్రం ఈ రెండు పార్టీలు విడి విడిగా పోటీ చేశాయి. ఇది బీజేపీ వ్యతిరేక ఓటును చీల్చాయి. ఇది పరోక్షంగా కమలం పార్టీకి కలిసి వచ్చింది. కాంగ్రెస్, ఆప్ కలిసి పోటీ చేస్తే ఆప్ కనీసం 15 సీట్లలో గెలిచి ఉండేది. కాంగ్రెస్ చీల్చిన ఓట్లను కలిపితే ఆప్ అభ్యర్ధులు గెలిచేవారు.

రాజేంద్రనగర్, ఛత్తాపూర్, సంగం విహార్, గ్రేటర్ కైలాష్ వంటి నియోజకవర్గాల్లో ఆప్ అభ్యర్థుల ఓటమికి పరోక్షంగా కాంగ్రెస్ కారణమైంది. రాజేంద్రనగర్ లో ఆప్ అభ్యర్ధికి 45,440 ఓట్లు వచ్చాయి. ఇదే స్థానంలో కాంగ్రెస్ అభ్యర్ధికి 4,015 ఓట్లు వచ్చాయి. ఈ రెండు పార్టీలకు వచ్చిన ఓట్లు కలిపితే 49,455 కు చేరుతాయి. అదే జరిగితే ఈ స్థానంలో బీజేపీ అభ్యర్ధి ఓటమి ఖాయమే.

కాంగ్రెస్ చీల్చిన ఓట్లతో బీజేపీ గెలుపు సాధించిన నియోజకవర్గాలు

నియోజకవర్గం పేరు	గెలిచిన పార్టీ	మెజార్టీ	కాంగ్రెస్ కు వచ్చిన ఓట్లు
సంగం విహార్	బీజేపీ గెలుపు	344	15863
రాజేంద్రనగర్	బీజేపీ గెలుపు	1231	4015
త్రిలోక్ పురి	బీజేపీ గెలుపు	392	1147
బద్లీ	బీజేపీ గెలుపు	6589	26,359
మాల్‌వియానగర్	బీజేపీ గెలుపు	2031	6770
జంగాపుర	బీజేపీ గెలుపు	675	7350
న్యూదిల్లీ	బీజేపీ గెలుపు	4049	4541
యుకెహెచ్	బీజేపీ గెలుపు	3039	6677
తిమర్‌పూర్	బీజేపీ గెలుపు	316	5754
నంగ్లోయ్	బీజేపీ గెలుపు	26251	32028

10 ఏళ్లపాటు అధికారానికి దూరంగా ఉన్నప్పటికీ 70 నియోజకవర్గాల్లో హస్తం పార్టీ తన పట్టును నిలుపుకునే ప్రయత్నం చేసింది. ఎన్నికల ఫలితాలే ఇందుకు నిదర్శనం. గెలవకున్నా కూడా ఆప్ ఓటమికి కాంగ్రెస్ కారణమైంది. దిల్లీలో ఆ పార్టీ క్షేత్రస్థాయి నుంచి బలపడేందుకు ఈ ఎన్నికలు హస్తం పార్టీకి కలిసి వచ్చాయి.