రూ.500 నోట్ల వర్షం! కిటికీ నుంచి బయటకు విసిరిన అవినీతి నగదు – భువనేశ్వర్‌లో విజిలెన్స్ సోదాలు కలకలం

ఒడిశా ప్రభుత్వ ఉద్యోగి అవినీతి చరిత్రకు కొత్తదనాన్ని చేకూర్చాడు. భువనేశ్వర్‌లో శుక్రవారం (మే 30) చోటుచేసుకున్న విజిలెన్స్ దాడుల సమయంలో ఓ ఇంటి కిటికీ నుంచి రూ.500 నోట్ల కట్టలు ఎగిరిపడటంతో "నోట్ల వర్షం" వీధిలో కనిపించింది. ఈ దృశ్యం చూసిన స్థానికులు ఆశ్చర్యపోయారు, అధికారులు మాత్రం షాక్‌కి గురయ్యారు.

అవినీతి అధికారి వివరాలు:

బైకుంత నాథ్ సారంగి – రాష్ట్ర గ్రామీణాభివృద్ధి శాఖలో రోడ్ ప్లాన్ చీఫ్ ఇంజనీర్‌గా పనిచేస్తున్నారు. ఆయనకు సంబంధించిన 7 చోట్ల విజిలెన్స్ అధికారులు ఒక్కసారిగా దాడులు చేశారు. భువనేశ్వర్‌, అంగుల్‌, పిపిలి ప్రాంతాల్లో ఇవి జరిగాయి.

ఎక్కడెక్కడ దాడులు జరిగాయంటే:

అంగుల్‌: కరడగాడియాలోని రెండు అంతస్తుల నివాసం

భువనేశ్వర్‌: దుండుమాలోని ఫ్లాట్

పిపిలి (పూరి): మరో ఫ్లాట్

ఇతర బంధువుల ఇల్లు, తండ్రి ఇంటి భవనాలు

కార్యాలయ గది

ఎంత నగదు దొరికిందంటే:

అంగుల్‌ నివాసం నుంచి రూ.1.1 కోట్లు

భువనేశ్వర్‌ ఫ్లాట్ నుంచి రూ.1 కోటి

మొత్తం దాదాపు రూ.2.1 కోట్లు నగదు స్వాధీనం

నోట్లు ఎక్కువగా రూ.500, రూ.200, రూ.100, రూ.50 ధరలవి

వైరల్ వీడియో:

నగదు కట్టల లెక్కింపు వీడియో ప్రస్తుతం సోషల్ మీడియాలో వైరల్ అవుతోంది. ప్రజాధనం దుర్వినియోగానికి నిదర్శనంగా నిలిచిన ఈ ఘటనపై ప్రజల్లో ఆగ్రహం వ్యక్తమవుతోంది.

ఎన్ని బృందాలు పనిచేశాయంటే:

26 మంది పోలీసు అధికారులు

అందులో 8 మంది DSPలు, 12 మంది ఇన్స్పెక్టర్లు, 6 మంది ASIలు ఉన్నారు

అవినీతి ప్రూఫ్ లాంటి సీన్:

విజిలెన్స్ బృందం ఇంటికి వచ్చిన వెంటనే, భయంతో సారంగి కిటికీలో నుంచి నోట్ల కట్టలు బయటకు విసిరిన ప్రయత్నం చేయడం, అసలైన అవినీతి కలచివేసే రూపమే.

ఈ దాడి ప్రభుత్వ ఉద్యోగులలో దాగి ఉన్న అవినీతి పాతాళాలను వెలికి తీసిన తాజా ఉదాహరణగా నిలిచింది. నగదు లెక్కింపు ఇంకా కొనసాగుతోంది. సారంగిపై మరిన్ని కేసులు నమోదయ్యే అవకాశం ఉంది.