IPL 2025 : నేడు ఐపీఎల్‌లో డబుల్ ధమాకా! ఢిల్లీ, హైదరాబాద్ ఢీ.. రాజస్థాన్‌తో చెన్నై పోరు!

DC vs SRH & CSK vs RR: ఐపీఎల్ 2025లో భాగంగా ఆదివారం రెండు ఆసక్తికరమైన మ్యాచ్‌లు జరగనున్నాయి. మొదటి మ్యాచ్‌లో ఢిల్లీ క్యాపిటల్స్, సన్‌రైజర్స్ హైదరాబాద్ జట్లు తలపడనున్నాయి. ఈ మ్యాచ్ భారతీయ కాలమానం ప్రకారం మధ్యాహ్నం 3.30 గంటలకు ప్రారంభమవుతుంది. ఇక రెండో మ్యాచ్‌లో రాజస్థాన్ రాయల్స్, చెన్నై సూపర్ కింగ్స్ జట్లు రాత్రి 7.30 గంటలకు పోటీ పడనున్నాయి.

పాయింట్ల పట్టికలో ఢిల్లీ, హైదరాబాద్ స్థానాలు

ఢిల్లీ క్యాపిటల్స్ తమ తొలి మ్యాచ్‌లో లక్నో సూపర్ జెయింట్స్‌ను ఓడించింది. అక్షర్ పటేల్ కెప్టెన్‌గా ఉన్న ఢిల్లీ క్యాపిటల్స్ ఆ మ్యాచ్‌లో 1 వికెట్ తేడాతో విజయం సాధించింది. ప్రస్తుతం ఢిల్లీ క్యాపిటల్స్ పాయింట్ల పట్టికలో ఐదవ స్థానంలో ఉంది. మరోవైపు ప్యాట్ కమిన్స్ కెప్టెన్‌గా ఉన్న సన్‌రైజర్స్ హైదరాబాద్ రాజస్థాన్ రాయల్స్‌ను ఓడించింది. కానీ లక్నో సూపర్ జెయింట్స్‌తో జరిగిన మ్యాచ్‌లో ఘోర పరాజయం పాలైంది. దీంతో సన్‌రైజర్స్ హైదరాబాద్ 2 మ్యాచ్‌లలో 4 పాయింట్లతో ఆరవ స్థానంలో కొనసాగుతోంది.

తొలి విజయం కోసం ఎదురుచూస్తున్న రాజస్థాన్ రాయల్స్

ఇక రాజస్థాన్ రాయల్స్ తమ మొదటి విజయం కోసం ఎదురుచూస్తోంది. రాజస్థాన్ రాయల్స్ సన్‌రైజర్స్ హైదరాబాద్, కోల్‌కతా నైట్ రైడర్స్‌తో జరిగిన మ్యాచ్‌లలో ఓటమి పాలైంది. ప్రస్తుతం రాజస్థాన్ రాయల్స్ పాయింట్ల పట్టికలో అట్టడుగు స్థానంలో ఉంది. మరోవైపు రుతురాజ్ గైక్వాడ్ కెప్టెన్‌గా ఉన్న చెన్నై సూపర్ కింగ్స్ పాయింట్ల పట్టికలో ఎనిమిదవ స్థానంలో ఉంది. చెన్నై సూపర్ కింగ్స్ ముంబై ఇండియన్స్‌ను 4 వికెట్ల తేడాతో ఓడించింది, కానీ ఆ తర్వాత రాయల్ ఛాలెంజర్స్ బెంగళూరు చేతిలో 50 పరుగుల తేడాతో ఓటమిని చవిచూసింది. దీంతో చెన్నై సూపర్ కింగ్స్ 2 మ్యాచ్‌లలో 2 పాయింట్లు కలిగి ఉంది.

ఢిల్లీ క్యాపిటల్స్ తుది జట్టు:

జేక్ ఫ్రేజర్-మెక్‌గర్క్, ఫాఫ్ డు ప్లెసిస్, అభిషేక్ పోరెల్ (వికెట్ కీపర్), కేఎల్ రాహుల్, అక్షర్ పటేల్ (కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముఖేష్ కుమార్.

ఇంపాక్ట్ ప్లేయర్: అశుతోష్ శర్మ.

సన్‌రైజర్స్ హైదరాబాద్ తుది జట్టు:

అభిషేక్ శర్మ, ట్రావిస్ హెడ్, ఇషాన్ కిషన్, నితీష్ కుమార్ రెడ్డి, హెన్రిక్ క్లాసెన్ (వికెట్ కీపర్), అనికేత్ వర్మ, ప్యాట్ కమిన్స్ (కెప్టెన్), సిమర్‌జీత్ సింగ్, రాహుల్ చాహర్, మహ్మద్ షమీ, ఆడమ్ జంపా.

ఇంపాక్ట్ ప్లేయర్: సచిన్ బేబీ/ అభినవ్ మనోహర్.

రాజస్థాన్ రాయల్స్ తుది జట్టు:

యశస్వి జైస్వాల్, సంజూ శ్యాంసన్, నితీష్ రాణా, రియాన్ పరాగ్ (కెప్టెన్), ధ్రువ్ జురెల్ (వికెట్ కీపర్), షిమ్రాన్ హెట్‌మైర్, వనిందు హసరంగ, జోఫ్రా ఆర్చర్, మహేష్ తీక్షణ, సందీప్ శర్మ, తుషార్ దేశ్‌పాండే.

చెన్నై సూపర్ కింగ్స్ తుది జట్టు:

రచిన్ రవీంద్ర, రాహుల్ త్రిపాఠి, రుతురాజ్ గైక్వాడ్ (కెప్టెన్), శివమ్ దూబే, సామ్ కుర్రాన్, రవీంద్ర జడేజా, ఎంఎస్ ధోని (వికెట్ కీపర్), రవిచంద్రన్ అశ్విన్, మతీషా పతిరానా, నూర్ అహ్మద్, ఖలీల్ అహ్మద్.